ആന്റിഗ്വ : അന്താരാഷ്ട്ര ക്രിക്കറ്റിൽ ഒരു ഓവറിൽ ആറു സിക്സർ എന്ന റെക്കോഡ് സ്വന്തമാക്കി വെസ്റ്റിൻഡീസ് ക്യാപ്ടൻ കീറൺ പൊള്ളാർഡ്. ശ്രീലങ്കയുമായി ആന്റിഗ്വയിൽ നടന്ന ട്വെന്റി 20യിലാണ് പൊള്ളാർഡ് റെക്കോഡിട്ടത്. ശ്രീലങ്കയുടെ സ്പിന്നർ അഖില ധനഞ്ജയയുടെ ഓവറിലായിരുന്നു പൊള്ളാർഡിന്റെ തകർപ്പൻ പ്രകടനം. ഇന്നിംഗ്സിലെ ആറാമത്തെ ഓവറിൽ നടന്ന സിക്സർ മഴ വെസ്റ്റിൻഡീസിനെ അനായാസം വിജയത്തിലെത്തിച്ചു.
ഇന്നിംഗ്സിന്റെ നാലാം ഓവറിൽ ഹാട്രിക്ക് നേടിയ അഖില ധനഞ്ജയയെ ആറാം ഓവറിലാണ് പൊള്ളാർഡ് സിക്സറിനു തൂക്കിയത്. എർവിൻ ലൂയിസിനേയും ക്രിസ് ഗെയിലിനേയും നിക്കോളാസ് പൂരനേയുമാണ് അഖില പുറത്താക്കിയത്. തൊട്ടടുത്ത ഓവറിൽ നന്നായി കളിച്ചു വരികയായിരുന്ന ലെൻഡൽ സിമ്മൺസിനെ ഡിസില്വയും പുറത്താക്കിയതോടെ വെസ്റ്റിൻഡീസ് നാല് വിക്കറ്റിന് 62 റൺസ് എന്ന നിലയിലായി. തുടർന്നായിരുന്നു പൊള്ളാർഡിന്റെ തകർപ്പൻ പ്രകടനം. 11 പന്തിൽ ആറു സിക്സറുകൾ അടക്കം 38 റൺസെടുത്ത പൊള്ളാർഡിനെ ഡിസിൽവ പുറത്താക്കിയെങ്കിലും ജേസൺ ഹോൾഡർ ടീമിനെ വിജയത്തിലെത്തിച്ചു.
Pollard’s 6*6
How lucky are we to have @irbishi in the comm box 🔥#WivSL #SLvWi #Pollard #KieronPollard https://t.co/BhdliaYRap pic.twitter.com/1jmLXIHiwD
— AlreadyGotBanned 😄 (@KirketVideoss) March 4, 2021
നേരത്തെ ആദ്യം ബാറ്റ് ചെയ്ത ശ്രീലങ്ക 20 ഓവറിൽ 9 വിക്കറ്റിന് 131 റൺസാണെടുത്തത്. വെസ്റ്റിൻഡീസ് ബൗളർമാർ പിശുക്ക് കാട്ടിയതോടെ റൺസെടുക്കുന്നതിൽ ശ്രീലങ്ക ബുദ്ധിമുട്ടി. എല്ലാ ബൗളർമാരും വിക്കറ്റ് വീഴ്ത്തുകയും ചെയ്തു.ഡിക്വെല്ലയും നിസ്സാങ്കയും മാത്രമാണ് ശ്രീലങ്കൻ നിരയിൽ തിളങ്ങിയത്. ഡിക്വെല്ല 33 ഉം നിസ്സാങ്ക 39 ഉം റൺസെടുത്തു.
Take a bow Skipper!🔥 🔥 🔥 🔥 🔥 🔥 The 1st West Indian to hit 6️⃣ sixes in an over in a T20I!🤯 #WIvSL #MenInMaroon
Live Scorecard⬇️ https://t.co/MBDOV534qQ pic.twitter.com/etkxX7l7bq
— Windies Cricket (@windiescricket) March 4, 2021
2007 ൽ ഇംഗ്ലണ്ടിന്റെ സ്റ്റുവർട്ട് ബ്രോഡിനെതിരെയായിരുന്നു യുവരാജ് സിംഗിന്റെ ആറു സിക്സർ റെക്കോഡ് പിറന്നത്. 2017 ൽ നെതർലാൻഡിനെതിരെയായിരുന്നു ഹെർഷൽ ഗിബ്സിന്റെ പ്രകടനം.
Comments