ന്യൂഡൽഹി: വനിതാ ദിനത്തിൽ ഭാര്യ അനുഷ്മ ശർമ്മയുടെയും മകൾ വാമികയുടെയും ചിത്രം പങ്കുവെച്ച് ഇന്ത്യൻ ക്രിക്കറ്റ് നായകൻ വിരാട് കോഹ്ലി. എല്ലാ സ്ത്രീകൾക്കും വനിതാ ദിനാശംസകൾ അറിയിച്ചു കൊണ്ടുള്ള കുറിപ്പും ഇൻസ്റ്റഗ്രാമിലൂടെ അദ്ദേഹം പങ്കുവെച്ചു.
ലോകത്തിലെ എല്ലാ സ്ത്രീകൾക്കും വനിതാ ദിനാശംസകൾ. ഒരു കുട്ടിയുടെ ജനനം കാണുന്നത് ഒരു മനുഷ്യന് ലഭിക്കുന്ന അവിശ്വസനീയവും അതിശയകരവുമായ അനുഭവമാണ്. സ്ത്രീകളുടെ യഥാർത്ഥ ശക്തി എന്താണെന്നും അവരുടെ ഉള്ളിൽ ജീവൻ സൃഷ്ടിച്ചതിന്റെ കാരണമെന്താണെന്നും അതിന് ശേഷം നിങ്ങൾക്ക് മനസിലാക്കാൻ കഴിയും. വിരാട് കോഹ്ലി ഇൻസ്റ്റഗ്രാമിൽ കുറിച്ചു.
സ്ത്രീകൾ പുരുഷന്മാരേക്കാൾ ശക്തരാണെന്നും അദ്ദേഹം പറഞ്ഞു. ജീവിത്തിലെ ഏറ്റവും ശക്തയും കരുണയുള്ളവളുമായ സ്ത്രീയ്‌ക്കും അമ്മയെ പോലെ തന്നെ വളരാൻ പോകുന്ന മകൾക്കും വനിതാ ദിനാശംസകൾ നേരുന്നുവെന്നും വിരാട് കോഹ്ലി ട്വീറ്റ് ചെയ്തു.
https://www.instagram.com/p/CMJZFGpF-E0/?utm_source=ig_embed
