ബർലിൻ: ലോകകപ്പ് യൂറോപ്യൻ യോഗ്യതാ മത്സരത്തിൽ ജർമ്മനിയ്ക്ക് അട്ടിമറി തോൽവി. ഗ്രൂപ്പിലെ താരതമ്യേന ദുർബലരായ നോർത്ത് മാസെഡോണിയയാണ് മുൻ ലോകചാമ്പ്യന്മാരെ അട്ടിമറിച്ചത്. മാസെഡോണിയ ഒന്നിനെതിരെ രണ്ട് ഗോളുകൾക്കാണ് ജയം തട്ടിയെടുത്തത്.
ശക്തമായ പ്രതിരോധം തീർത്ത് കളിച്ച മാസെഡോണിയ ജർമ്മനി ഒരു ഗോളും അടിക്കാതിരിക്കാനാണ് ശ്രദ്ധിച്ചത്. എന്നാൽ ആദ്യപകുതിയുടെ അധിക സമയത്ത് പാന്റേവിലൂടെയാണ് മാസെഡോണിയ ജർമ്മനിയുടെ വലകുലുക്കിയത്. എന്നാൽ രണ്ടാം പകുതിയുടെ 63-ാം മിനിറ്റിൽ ലഭിച്ച പെനാൽറ്റിയുലൂടെ ജർമ്മനി സമനില പിടിച്ചു.
ഗുൺഡോഗനാണ് ഗോൾ നേടിയത്. എന്നാൽ കളിയുടെ അവസാന ഘട്ടത്തിൽ മാസെഡോണ് ജർമ്മനിയെ ഞെട്ടിച്ച് വിജയ ഗോൾ നേടി. 85-ാം മിനിറ്റിൽ എൽമാസാണ് മാസെഡോണയ്ക്കായി നിർണ്ണായക ഗോൾ നേടിയത്.
Comments