മിലാൻ: സീരി എ കിരീടം ഇന്റർ മിലാൻ സ്വന്തമാക്കി. 38-ാം മത്സരത്തിൽ ഉദിനീസയെ തോൽപ്പിച്ച് ലീഗിൽ മുൻപന്തിയിലായിരുന്ന ഇന്റർ ഇന്നലെ നടന്ന മറ്റ് മത്സരങ്ങൾ പൂർത്തിയായതോടെ കിരീട ജേതാക്കളായി. ആകെ 28 ജയങ്ങളും 7 സമനിലയും 3 തോൽവിയുമടക്കം 38 മത്സരങ്ങളിലായി 91 പോയിന്റ് നേടിയാണ് ഇന്റർ ലീഗിൽ ചാമ്പ്യന്മാരായത്.
കഴിഞ്ഞ സീസണിലെ ചാമ്പ്യന്മാരായ യുവന്റസ് ഇത്തവണ നാലാംസ്ഥാനം കൊണ്ടു തൃപ്തിപ്പെടേണ്ടിവന്നു. 79 പോയിന്റ് നേടിയ എ.സി.മിലാൻ രണ്ടാം സ്ഥാനത്തും അത്ലാന്റ 78 പോയിന്റുകളുമായി മൂന്നാം സ്ഥാനത്തുമാണുള്ളത്. നാപ്പോളിയാണ് അഞ്ചാം സ്ഥാനത്തുള്ള ടീം.
ഇന്നലെകൊണ്ട് പൂർത്തിയായ സീരി എ പോരാട്ടത്തിൽ യുവന്റസ് 4-1ന് ബൊലോഗ്നയേയും എ.സി.മിലാൻ 2-0ന് അത്ലന്റയേയും തോൽപ്പിച്ചു. നിർണ്ണായക മത്സരത്തിലെ ജയമാണ് മിലാനെ രണ്ടാം സ്ഥാനത്തേക്ക് കയറ്റിയത്. നാപ്പോളി 1-1ന് വെറോണയുമായി സമനിലയിൽ കുടുങ്ങിയപ്പോൾ റോമ 2-2ന് സ്പേസിയയോടും സമനില വഴങ്ങി.
