പാരീസ്: 2021 ലെ ഫ്രഞ്ച് ഓപ്പൺ വനിതാ സിംഗിൾസ് കിരീടം ചെക്ക് റിപ്പബ്ലിക് താരം ബാർബറ ക്രെജിക്കോവയ്ക്ക് . റഷ്യയുടെ അനസ്തേഷ്യ പാവ്ലിചെങ്കോവയെ ആണ് ബാർബറ പരാജയപ്പെടുത്തിയത്. 6-1, 2-6, 6-4 നായിരുന്നു ബാർബറയുടെ കിരീട നേട്ടം.
25 കാരിയായ ബാർബറയുടെ കന്നി ഫ്രഞ്ച് ഓപ്പൺ കിരീടമാണിത്. റോളണ്ട് ഗാരോസിൽ കിരീടത്തിൽ മുത്തമിടുന്ന ആദ്യ ചെക്ക് താരം കൂടിയാണ് ലോക റാങ്കിംഗിൽ 33-ാം സ്ഥാനക്കാരിയായ ബാർബറ. അർബുദ ബാധയെ തുടർന്ന് മരണമടഞ്ഞ മുൻ വിംബിൾഡൺ ചാമ്പ്യനും തന്റെ വഴികാട്ടിയുമായിരുന്ന യാന നവോത്നയ്ക്ക് കിരീടനേട്ടം സമർപ്പിക്കുന്നതായി ബാർബറ പറഞ്ഞു.
ഫ്രഞ്ച് ഓപ്പൺ ചരിത്രത്തിലെ ഏറ്റവും ദൈർഘ്യമേറിയ സെമി ഫൈനലിൽ ഗ്രീസ് താരം മരിയ സക്കരിയെ പരാജയപ്പെടുത്തിയാണ് ബാർബറ കലാശക്കളിക്ക് യോഗ്യത നേടിയത്.
Comments