അഹമ്മദാബാദ് : സംസ്ഥാനത്തെ ജനസംഖ്യ നിയന്ത്രിക്കാൻ ജനസംഖ്യാ നിയന്ത്രണ നിയമം നടപ്പിലാക്കാൻ ഗുജറാത്തും. നിയമങ്ങളുടെ ഗുണ-ദോഷഫലങ്ങൾ സർക്കാർ പഠിക്കും. നിയമത്തെക്കുറിച്ച് വിദഗ്ധോപദേശം തേടുന്നകാര്യവും സർക്കാരിന്റെ പരിഗണനയിൽ ഉണ്ട്.
നിലവിൽ ഉത്തർപ്രദേശ്, അസം എന്നീ സംസ്ഥാനങ്ങൾ ജനസംഖ്യാ നിയന്ത്രണ നിയമം നടപ്പാക്കുന്നുണ്ട്. ഇതിന് പുറമേ രാജ്യമൊട്ടാകെ നിയമം നടപ്പാക്കുന്നതിനായി ലോക്സഭയിൽ ബിൽ അവതരിപ്പിക്കാനും നീക്കമുണ്ട്. ഇതിനിടേയാണ് ജനസംഖ്യാ നിയന്ത്രണ നിയമം നടപ്പാക്കാൻ ഗുജറാത്ത് സർക്കാർ ആലോചിക്കുന്നത്.
പഠനത്തിന്റെയും, വിദഗ്ധോപദേശത്തിന്റെയും അടിസ്ഥാനത്തിലാകും ഇതുമായി ബന്ധപ്പെട്ട് സർക്കാർ അന്തിമ തീരുമാനം എടുക്കുക. ഇതിന് ശേഷം ബിൽ വരാനിരിക്കുന്ന നിയമസഭയുടെ വർഷകാല സമ്മേളനത്തിൽ അവതരിപ്പിക്കാനാണ് തീരുമാനം.
Comments