ന്യൂഡൽഹി : കാർഷിക നിയമങ്ങളുടെ പേരിൽ പാർലമെന്റിന് മുൻപിൽ സമരം ചെയ്യാനുള്ള പ്രതിഷേധക്കാരുടെ നീക്കത്തിന് തിരിച്ചടി. പ്രതിഷേധം സംഘടിപ്പിക്കാൻ അനുവദിക്കണമെന്ന ഭാരതീയ കിസാൻ യൂണിയന്റെ ആവശ്യം ഡൽഹി പോലീസ് തള്ളി. വ്യഴാഴ്ച മുതൽ പാർലമെന്റിന് മുൻപിൽ പ്രതിഷേധിക്കാൻ അനുവദിക്കണമെന്നായിരുന്നു സംഘടനയുടെ ആവശ്യം.
അനുമതിയ്ക്കായി ഭാരതീയ കിസാൻ യൂണിയൻ പ്രതിനിധികൾ ഡൽഹി പോലീസുമായി കൂടിക്കാഴ്ച നടത്തിയിരുന്നു. ഇതിനിടെയാണ് അനുമതി നൽകാൻ സാധിക്കില്ലെന്ന് പോലീസ് അറിയിച്ചത്. പാർലമെന്റിന് സമീപമായി പ്രതിഷേധം പരിമിതപ്പെടുത്തണമെന്നും പോലീസ് പ്രതിഷേധക്കാരോട് ആവശ്യപ്പെട്ടു. നാളെ മുതലാണ് പാർലമെന്റ് വർഷകാല സമ്മേളനം ആരംഭിക്കുന്നത്.
കർഷകർക്ക് ഗുണകരമായ കാർഷിക നിയമങ്ങൾ പൂർണമായും പിൻവലിക്കണമെന്നാണ് പ്രതിഷേധക്കാരുടെ ആവശ്യം. ഇതിനായി കഴിഞ്ഞ ഏഴ് മാസങ്ങളായി അതിർത്തി മേഖലകളിൽ പ്രതിഷേധിച്ചുവരികയാണ്. വരും ദിവസങ്ങളിൽ കാർഷിക നിയമങ്ങൾക്കെതിരെ പ്രതിഷേധം കടുപ്പിക്കാനാണ് പ്രതിഷേധക്കാരുടെ തീരുമാനം. ഈ സാഹചര്യത്തിൽ ജാഗ്രത പാലിക്കാൻ ഡൽഹി മെട്രോ റെയിൽ കോർപ്പറേഷന് പോലീസ് നിർദ്ദേശം നൽകിയിട്ടുണ്ട്.
Comments