തൃശ്ശൂർ : സിപിഎം ഭരിക്കുന്ന കരുവന്നൂർ സഹകരണ ബാങ്ക് തട്ടിപ്പുമായി ബന്ധപ്പെട്ട് രണ്ട് സിപിഎം നേതാക്കൾ കൂടി അറസ്റ്റിൽ. ബ്രാഞ്ച് മാനേജർ ബിജു കരീം, അക്കൗണ്ടന്റ് സി. കെ ജിൽസ് എന്നിവരെയാണ് അറസ്റ്റ് ചെയ്തത്. ഇതോടെ കേസിൽ അറസ്റ്റിലായവരുടെ എണ്ണം മൂന്നായി.
കേസിൽ ഇരുവരും സമർപ്പിച്ച മുൻകൂർ ജാമ്യം കോടതി തള്ളിയിരുന്നു. ഇതിന് പിന്നാലെയാണ് അറസ്റ്റ് . ബിജു രണ്ടാം പ്രതിയും, ജിൽസ് മൂന്നാം പ്രതിയുമാണ്. തട്ടിപ്പുമായി ബന്ധപ്പെട്ട കൂടുതൽ വിവരങ്ങൾ ഇവരിൽ നിന്നും ശേഖരിച്ചുവരികയാണ്.
ഇനി മൂന്ന് പ്രതികൾ കൂടി അറസ്റ്റിലാകാനുണ്ട്. ഒളിവിൽപോയ ഇവർക്കായി പോലീസ് ഊർജ്ജിത അന്വേഷണമാണ് നടത്തുന്നത്. ഒന്നാം പ്രതിയും, ബാങ്കിന്റെ മുൻ സെക്രട്ടറിയുമായ പി ആർ സുനിൽ കുമാറാണ് കേസിൽ ആദ്യം പിടിയിലായത്.
