ന്യൂഡൽഹി: ലോക സംസ്കൃത ദിനത്തോടനുബന്ധിച്ച് പ്രധാനമന്ത്രി നരേന്ദ്ര മോദി ജനങ്ങൾക്ക് ആശംസകൾ അറിയിച്ചു. സംസ്കൃതത്തിലാണ് പ്രധാനമന്ത്രി ആശംസകൾ പങ്കുവെച്ചത്.
‘ഈ ഭാഷ പുരാതനവും ആധുനികവുമാണ്. ആഴത്തിലുള്ള തത്ത്വചിന്തയോടുകൂടിയ നല്ല കവിതകളുമുണ്ട്. ഇത് ഉപയോഗിക്കാൻ എളുപ്പമാണ്, അതുകൊണ്ട് തന്നെ കൂടുതൽ ആളുകൾ സംസ്കൃത ഭാഷ വായിക്കണം. ഏവർക്കും ആശംസകൾ നേരുന്നു’ എന്ന് ട്വീറ്റിൽ പ്രധാനമന്ത്രി സംസ്കൃതത്തിൽ കുറിച്ചു.
ലോകത്തിലെ പ്രാചീനമായ ഭാഷകളിൽ ഒന്നാണ് സംസ്കൃതം. അയ്യായിരത്തോളം വർഷങ്ങൾക്കുമുമ്പേ ജനങ്ങൾക്കിടയിൽ നിലനിന്നിരുന്ന ഭാഷയായിരുന്നു സംസ്കൃതം എന്നാണ് കരുതപ്പെടുന്നത്. ഹിന്ദു കലണ്ടർ അനുസരിച്ച് ശ്രാവണപൂർണിമ ദിനത്തിലാണ് ലോക സംസ്കൃത ദിനം ആചരിക്കുന്നത്. ഈ വർഷം അത് ഓഗസ്റ്റ് 22നായിരുന്നു.
1969 ൽ ആണ് കേന്ദ്ര-സംസ്ഥാന തലങ്ങളിൽ സംസ്കൃത ദിനം ആഘോഷിക്കാൻ കേന്ദ്ര സർക്കാർ തീരുമാനിച്ചത്
Comments