ലണ്ടൻ: ഇംഗ്ലീഷ് പ്രീമിയർ ലീഗിലെ രണ്ടാം മത്സരത്തിൽ സമനിലക്കുരുക്കിലായി മാഞ്ചസ്റ്റർ യുണൈറ്റഡ്. സതാംപ്ടണിനോടുള്ള മത്സരത്തിലാണ് യുണൈറ്റഡിന് സ്വന്തം ഗോൾ വിനയായി മാറിയത്. ഇന്നലെ നടന്ന രണ്ടാമത്തെ മത്സരത്തിൽ ടോട്ടനം ജയിച്ചു. വൂൾവ്സിനെയാണ് ഹാരീ കെയിനും കൂട്ടരും പരാജയപ്പെടുത്തിയത്.
മാഞ്ചസ്റ്റർ യുണൈറ്റഡ് 30-ാം മിനിറ്റിൽ സെൽഫ് ഗോളിലൂടെയാണ് പിന്നിൽ പോയത്. ഫ്രെഡ്ഡാണ് സതാംപ്ടണിന് ഗോൾ സമ്മാനിച്ചത്. കളിയുടെ രണ്ടാം മിനിറ്റിൽ പക്ഷെ യുണൈറ്റഡ് സമനില ഗോൾ നേടി തോൽവി ഒഴിവാക്കി. മാസൺ ഗ്രീൻവുഡ്ഡാണ് ഗോൾ നേടിയത്.
ടോട്ടനം കളിയുടെ ആദ്യ മിനിറ്റുകളിൽ തന്നെ ഗോൾ നേടി. വൂൾവ്സിനെയാണ് തോൽപ്പിച്ചത്. 10 മിനിറ്റിൽ ലഭിച്ച പെനാൽറ്റിയാണ് ഗോളായത്. ഡെലി അലിയാണ് ടോട്ടനത്തിന് മൂന്ന് പോയിന്റ് നേടിക്കൊടുത്തത്. ഇന്നലെ നടന്ന മൂന്നാമത്തെ മത്സരത്തിൽ ബ്രൈറ്റൺ എതിരില്ലാത്ത രണ്ടു ഗോളുകൾക്ക് വാട്ട്ഫോഡിനെ തോൽപ്പിച്ചു. ഈ ആഴ്ചയിലെ അവസാന മത്സരത്തിൽ നാളെ ലെസ്റ്റർ സിറ്റി വെസ്റ്റ്ഹാമിനെ നേരിടും.
Comments