ന്യൂഡൽഹി:ഡൽഹിയിൽ കൊറോണ വ്യാപനം കുറഞ്ഞ പശ്ചാത്തലത്തിൽ ഘട്ടം ഘട്ടമായി വിദ്യാഭ്യാസ സ്ഥാപനങ്ങൾ തുറക്കാൻ സർക്കാർ തീരുമാനം.ഡൽഹി ദുരന്ത നിവാരണ അതോറിറ്റിയുടെ യോഗത്തിലാണ് തീരുമാനമായത്.
സെപ്തംബർ ഒന്നു മുതൽ 9-12 വരെയുള്ള ക്ലാസുകളാണ് ആദ്യ ഘട്ടത്തിൽ തുറന്ന് പ്രവർത്തിക്കുക.വരും ദിവസങ്ങളിൽ ഡൽഹിലെ സ്കൂളുകളിൽ മറ്റ് ക്ലാസുകളും കോളേജുകളും ട്യൂഷൻ ക്ലാസ് കേന്ദ്രങ്ങൾ ഉൾപ്പടെയുള്ള വിദ്യാഭ്യാസ സ്ഥാപനങ്ങളും തുറന്ന് പ്രവർത്തിക്കും. എന്നാൽ സ്കൂളുകളിൽ നേരിട്ടു ചെന്നുള്ള പഠനം നിർബന്ധമാക്കിയിട്ടില്ല. വിദ്യാർത്ഥികൾക്ക് വീടുകളിൽ ഇരുന്ന് പഠനം തുടരാനുള്ള സൗകര്യം തുടരാമെന്നും ഉപമുഖ്യമന്ത്രി മനീഷ് സിസോദിയ പറഞ്ഞു.
ഡൽഹി സർക്കാരിന്റെ കണക്കുകൾ പ്രകാരം 90 ശതമാനത്തോളം സർക്കാർ,സ്വകാര്യ സ്കൂൾ അദ്ധ്യാപകർ ഒരു ഡോസ് കൊറോണ വാക്സിൻ എങ്കിലും സ്വീകരിച്ചിട്ടുണ്ട്.
Comments