ന്യുഡൽഹി: അവശ്യമരുന്നുകളുടെ പട്ടിക പരിഷ്കരിച്ചതായി കേന്ദ്ര സർക്കാർ അറിയിച്ചു. നിലവിൽ ഉപയോഗിക്കുന്ന 39 മരുന്നുകളും പട്ടികയിൽ ഉണ്ട്. കൊറോണ, കാൻസർ, ഹ്യദ്രോഗം എന്നിവയുടെ മരുന്നുകളുടെ വിലയാണ് പ്രധാനമായും കുറയുക.
ആന്റിബയോട്ടിക്കുകൾ ഉൾപ്പെടെ 16 മരുന്നുകളെ പട്ടികയിൽ നിന്ന് ഒഴിവാക്കിട്ടുണ്ട്. കാൻസർ മരുന്നുകൾക്ക് 80 ശതമാനം വില കുറയുമെന്നും വ്യക്തമാക്കി. ചികിത്സയ്ക്ക് ഉപയോഗിക്കുന്ന അസാസിറ്റിഡിൻ, ഫ്ളൂഡറാബിൻ എന്നിവയ്ക്കാണ് വില കുറയുക. എച്ച്ഐവി ചികിത്സയ്ക്ക് ഉപയോഗിക്കുന്ന ഡോളുതെഗ്രാവിർ, ദാരുണവിർ- റിറ്റോണവിർ കൊറോണ ചികിത്സയ്ക്ക് ഉപയോഗിക്കുന്ന ഐവർമെക്ടിനും പട്ടികയിലുണ്ട്.
അഞ്ചു വർഷം കൂടുമ്പോഴാണ് കേന്ദ്ര സർക്കാർ പട്ടിക പുതുക്കുന്നത്. രാസവള മന്ത്രാലയത്തിന്റെ കീഴിലുളള ഫാർമസ്യുട്ടിക്കൽസാണ് പട്ടിക തയ്യാറാക്കുന്നത്.
