മ്യൂണിച്ച്: ജർമ്മൻ ലീഗിൽ തകർപ്പൻ പ്രകടനം ആവർത്തിച്ച് ബയേൺ മ്യൂണിച്ച്. ബുണ്ടെസ് ലിഗ യിലെ നാലാമത്തെ മത്സരത്തിലാണ് ബയേൺ ബോച്ചുമിനെ എതിരില്ലാത്ത ഏഴു ഗോളുകൾക്ക് തകർത്തത്. ഒരു പരിശീലന മത്സരത്തിന്റെ ലാഘവത്തോടെ കളിച്ച ലോകോത്തര താരങ്ങളെല്ലാം ഗോളുകൾ നേടി.
കളിയുടെ 17-ാം മിനിറ്റില് ലെറോയ് സാനേയാണ് ആദ്യ ഗോൾ നേടിയത്. ജോഷ്വാ കിമ്മിച്ച് ഇരട്ട ഗോളുകൾ നേടിയപ്പോൾ സെർജീ നാബ്രി, ലെവൻഡോവ്സ്കി, എറിക് മാക്സിം എന്നിവരും ഗോളുകൾ നേടി. ഇതിനിടെ വാസിലിസ് ലാമ്പ്രോപൗലോസിന്റെ വക സെൽഫ് ഗോളും ബയേണിന് ഗുണമായി.
ജോഷ്വാ കിമ്മിച്ച് (27, 64) , നാബ്രി(32), വാസിലിസ്(സെൽഫ് ഗോൾ-43), ലെവൻഡോവ്സ്കി(61), എറിക് മാക്സിം(79) എന്നീ മിനിറ്റുകളിലാണ് ഗോളുകൾ നേടിയത്. ചാമ്പ്യൻസ് ലീഗിൽ ബാഴ്സലോണയെ എതിരില്ലാത്ത മൂന്ന് ഗോളുകൾക്ക് നാണംകെടുത്തിയ ബയേൺ സീസണിൽ തങ്ങളുടെ ശക്തമായ മികവ് തുടരുകയാണ്.
Comments