ഹൈദരാബാദ് : ദിൽസുഖ് നഗറിൽ തിയേറ്ററിന്റെ മതിലിടിഞ്ഞുവീണ് അമ്പതോളം ഇരുചക്രവാഹനങ്ങൾ തകർന്നു.ഹൈദരാബാദിലെ ദിൽസുഖ് നഗറിലെ സിനിമാ തീയേറ്ററിൽ എത്തിയവരുടെ വാഹനങ്ങളാണ് തകർന്നത്.അപകടത്തിൽ ആളപായമില്ല.
മതിലിന് സമീപം ബൈക്ക് പാർക്ക് ചെയ്ത് ആളുകൾ സിനിമ കാണാനായി തിയേറ്ററിലേക്ക് പോയതായിരുന്നു.സിനിമ കഴിഞ്ഞ് തിയേറ്ററിന് പുറത്തെത്തിയപ്പോഴാണ് മതിൽ തകർന്നത് ശ്രദ്ധയിൽപ്പെട്ടത്. അതേസമയം കനത്ത മഴയെ തുടർന്ന് സിനിമാ തീയേറ്ററിൽ വെള്ളം കയറി
അപകടത്തെ തുടർന്ന് ജിഎച്ച്എംസി അധികൃതർ സ്ഥലത്ത് പരിശോധന നടത്തി.വാഹനങ്ങൾ സ്ഥലത്ത് നിന്നും മാറ്റാനുള്ള നടപടികൾ സ്വീകരിച്ചു.
