ശ്രീനഗർ : ജമ്മുകശ്മീരിൽ വീണ്ടും ഭീകരാക്രമണം. ബന്ദിപോരയിൽ ഭീകരൻ ആൾക്കൂട്ടത്തിനു നേരെ ഗ്രനേഡ് എറിഞ്ഞു. ആക്രമണത്തിൽ നിരവധിപേർക്ക് പരിക്കേറ്റു.
കേന്ദ്ര ആഭ്യന്തരമന്ത്രി അമിത് ഷായുടെ സന്ദർശനത്തിനിടയിൽ കശ്മീരിൽ ഭീകരാക്രമണം നടന്നിരുന്നു.ആക്രമണത്തിൽ ഒരാൾകൊല്ലപ്പെട്ടു.കഴിഞ്ഞ ദിവസം രാവിലെ പത്തരയോടെയാണ് ഷോപ്പിയാനിലെ ബബാപൊരയിൽ തീവ്രവാദി ആക്രമണം നടന്നത്.
സിആർപിഎഫിന് നേര നടന്ന ആക്രമണത്തിൽ ശക്തമായ തിരിച്ചടി നൽകിയെന്ന് ജമ്മുകാശ്മീർ പൊലീസ് വ്യക്തമാക്കി. ഒരു ജവാന് പരിക്കുണ്ട്. വെടിവെയ്പിനിടെയാണ് ഒരാൾ കൊല്ലപ്പെട്ടത്.പൂഞ്ച് വനമേഖലയിൽ ഒളിച്ചിരിക്കുന്ന ഭീകർക്കായി നടത്തിയ തെരച്ചിലിലാണ് ആക്രമണം ഉണ്ടായത്.
