ലക്നൗ : ഉത്തർപ്രദേശിൽ തന്തൂരി റൊട്ടിയുണ്ടാക്കുന്നതിനിടെ മാവിൽ തുപ്പി പാചകക്കാരൻ. മുറാദ്നഗർ സ്വദേശി ഷദാബ് മിയ ആണ് മാവിൽ തുപ്പിയത്. സംഭവത്തിൽ ഇയാളെ പോലീസ് അറസ്റ്റ് ചെയ്തു.
മുറാദ്നഗറിലെ വിവാഹ നിശ്ചയ ചടങ്ങിൽ റൊട്ടിയുണ്ടാക്കുന്നതിനിടെയാണ് ഇയാൾ മാവിലേക്ക് തുപ്പിയത്. സംഭവം കണ്ടുനിന്ന ഒരാൾ ഇതിന്റെ ദൃശ്യങ്ങൾ പകർത്തി സമൂഹമാദ്ധ്യമത്തിൽ പങ്കുവെയ്ക്കുകയായിരുന്നു. ഇത് ശ്രദ്ധയിൽപ്പെട്ടതിനെ തുടർന്നാണ് സംഭവത്തിൽ പോലീസ് ഇടപെട്ടത്.
ദൃശ്യങ്ങളുടെ ആധികാരികത പരിശോധിച്ചപ്പോൾ സംഭവം സത്യമാണെന്ന് കണ്ടെത്തി. ഇതേ തുടർന്നാണ് ഷദാബിന്റെ അറസ്റ്റ് രേഖപ്പെടുത്തിയത്. ഇയാൾ മാവിൽ തുപ്പി റൊട്ടിയുണ്ടാക്കുന്നതിന്റെ ദൃശ്യങ്ങൾ സമൂഹമാദ്ധ്യമങ്ങളിൽ വ്യാപകമായി പ്രചരിക്കുന്നുണ്ട്.
അടുത്തിടെയായി തുപ്പി ഭക്ഷണം ഉണ്ടാക്കുന്ന സംഭവങ്ങൾ വർദ്ധിച്ചുവരികയാണ്. കഴിഞ്ഞ ആഴ്ചയും സമാനമായ സംഭവം ഗാസിയാബാദിൽ റിപ്പോർട്ട് ചെയ്തിരുന്നു.
Comments