കുറ്റവാളികളുടെ എണ്ണം കൂടി ജയിൽ നിറഞ്ഞാൽ സ്വാഭ്വാവികമായും പുതിയ ജയിലുകൾ നിർമ്മിക്കുകയാണ് പതിവ്.എന്നാൽ ജയിലിൽ സ്ഥലമില്ലാത്തതെ വന്നാൽ മറ്റു രാജ്യത്തെ ജയിൽ വാടകയ്ക്കെടുത്താലോ.? ആശ്ചര്യം തോന്നുമെങ്കിലും സംഗതി സത്യമാണ്.ഡെൻമാർക്കാണ് വാടകക്കാരൻ.
ഡെൻമാർക്ക് 1641 കിലോ മീറ്റർ അകലെ കൊസോവയിലെ 300 ജയിൽ സെല്ലുകളാണ് വാടകയ്ക്ക് എടുക്കുന്നത്. പ്രതിവർഷം 12. 8 മില്യൺ ഡോളറിനാണ് (96 കോടി രൂപ) ഇരു രാജ്യങ്ങളും തമ്മിൽ കരാറിൽ ഒപ്പിട്ടത്. അഞ്ചു വർഷത്തേക്കാണ് കരാർ. ഇത് പ്രകാരം പത്തുവർഷത്തേക്ക് 210 മില്യൻ പൗണ്ട് (1792 കോടി രൂപ) ഡെൻമാർക്ക് കൊസോവയ്ക്ക് നൽകും.ഇതോടൊപ്പം ഡെൻമാർക്ക് ഹരിത ഊർജ പദ്ധതിക്കായി കൊസോവയ്ക്ക് ധനസഹായം നൽകും.
കൊസോവോ ധനകാര്യമന്ത്രി ആർടെയിൻ റിസാവാനോലി, നീതിന്യായവകുപ്പ് മന്ത്രി അൽബുലേന ഹക്സിയു, ഡെൻമാർക്കിലെ വികസന വകുപ്പ് മന്ത്രിയായ ഫ്ളെമിംഗ് മൊലർ മോർടൻസൻ, കൊസോവ നീതിന്യായവകുപ്പ് മന്ത്രി നിക് ഹെകർപ് എന്നിവർ കരാറിൽ ഒപ്പുവെച്ചു.
ഡെൻമാർക്കിൽനിന്നും ശിക്ഷ കഴിഞ്ഞ ശേഷം നാടുകടത്തുന്ന യൂറോപ്പിതര രാജ്യങ്ങളിലെ തടവുകാരെയാണ് ഈ തടവറകളിൽ താമസിപ്പിക്കുകയെന്നാണ് വിവരം. ഡെൻമാർക്കിലെ നിയമപ്രകാരമായിരിക്കും ഇവരുടെ ശിക്ഷ നടപ്പാക്കുക.
നിലവിൽ കൊസോവയിൽ 700 മുതൽ 800 വരെ ജയിൽ സെല്ലുകൾ ഉപയോഗിക്കുന്നില്ല. ഇതിൽ 300 സെല്ലുകളാണ് ഇപ്പോൾ വാടകയ്ക്ക് നൽകുന്നത്.തലസ്ഥാനമായ പ്രിസ്റ്റിനയിൽനിന്നും 50 കിലോ മീറ്റർ അകലെയുള്ള ഗിൽജാൻ ജയിലാണ് ഡെൻമാർക്കിന് കൊസോവ വാടകയ്ക്ക് നൽകുന്നത്.
ഡെൻമാർക്കിൽ തടവുകാരുടെ എണ്ണം 3400-ൽ നിന്നും ഈയിടെ 4200 ആയി കൂടിയിരുന്നു. ജയിൽ ഗാർഡുകളുടെ എണ്ണം 2500-ൽനിന്നും 2000 ആയി കുറയുകയും ചെയ്തു. ആവശ്യത്തിന് ജീവനക്കാരും സെല്ലുകളുമില്ലാത്തത് നിലവിലെ പ്രതിസന്ധി വർദ്ധിച്ചു.2025 -ഓടെ ഡെൻമാർക്കിൽ ആയിരം ജയിൽ സെല്ലുകളുടെ കുറവുണ്ടാവുമെന്ന് ഈയിടെ നീതിന്യായ വകുപ്പ് വ്യക്തമാക്കിയിരുന്നു. ഇതിന്റെ കൂടി പശ്ചാത്തലത്തിലാണ് പുതിയ സാദ്ധ്യതകൾ അന്വേഷിച്ചത്.
കരാറിൽ ഒപ്പിട്ടുവെങ്കിലും കൊസോവയിലെ പാർലമെന്റിന്റെ അംഗീകാരം ഇതിനാവശ്യമാണ്. മൂന്നിൽ രണ്ട് ഭൂരിപക്ഷം ലഭിച്ചെങ്കിൽ മാത്രമാണ് ഈ കരാറിന് നിയമസാധുത ലഭിക്കുകയുള്ളൂ.
ജയിലിൽ സ്ഥലമില്ലാതെ മറ്റു രാജ്യങ്ങളിലേക്ക് കുറ്റവാളികളെ മാറ്റുന്നത് യൂറാപ്പിൽ ഇതാദ്യമായല്ല. നോർവേയും ബെൽജിയവും സമാനമായ രീതിയിൽ നോർവേയിലെ ജയിലുകൾ വാടകക്കെടുത്ത് കുറ്റവാളികളെ താമസിപ്പിക്കുന്നുണ്ട്.
