ന്യൂഡൽഹി:പരീക്ഷാ പെ ചർച്ചയുടെ രജിസ്ട്രേഷൻ തിയതി പ്രഖ്യാപിച്ചു.നാളെ മുതൽ രക്ഷിതാക്കൾക്കും അദ്ധ്യാപകർക്കും വിദ്യാർത്ഥികൾക്കും പരിപാടിയിൽ പങ്കെടുക്കാൻ രജിസ്റ്റർ ചെയ്യാം.പരീക്ഷ പെ ചർച്ച നടക്കുന്ന തീയതിയും സമയവും ഇതുവരെ ഔദ്യോഗികമായി അറിയിച്ചിട്ടില്ല.
നാളെ മുതൽ വിദ്യാർത്ഥികൾക്കും രക്ഷകർത്താക്കൾക്കും mygov.in സന്ദർശിച്ച് രജിസ്റ്റർ ചെയ്യാം.അഞ്ചാം പതിപ്പിൽ വാർഷികപരീക്ഷകൾക്ക് മുന്നോടിയായി പ്രധാനമന്ത്രി നരേന്ദ്രമോദി വിദ്യാർത്ഥികളുമായി സംവദിക്കും.കഴിഞ്ഞ വർഷം ഏപ്രിൽ 7നാണ് പരീക്ഷ പെ ചർച്ച സംഘടിപ്പിച്ചത്.
പരീക്ഷയുമായി ബന്ധപ്പെട്ട് വിദ്യാർത്ഥികൾക്കുണ്ടാകുന്ന പിരിമുറുക്കം, സംശയങ്ങൾ എന്നിവ ലഘൂകരിക്കുകയാണ് പരിപാടിയുടെ ലക്ഷ്യം. ഒമ്പതു മുതൽ പന്ത്രണ്ടാം ക്ലാസ് വരെയുള്ള വിദ്യാർത്ഥികൾ പങ്കെടുക്കും. ഇതിന് പുറമെ രക്ഷകർത്താക്കൾക്കും പരീക്ഷ പെ ചർച്ചയിൽ പങ്കെടുക്കാൻ അവസരമുണ്ട്.
വിദ്യാർത്ഥികൾക്കും അദ്ധ്യാപകർക്കും രക്ഷിതാക്കൾക്കും വേണ്ടിയുള്ള ചില ഓൺലൈൻ മത്സരങ്ങളെ അടിസ്ഥാനമാക്കിയായിരിക്കും പരീക്ഷ പെ ചർച്ചയിലേക്കുള്ള പ്രവേശനം. വിജയികൾക്ക് പ്രധാനമന്ത്രിയുമായി നേരിട്ട് സംവദിക്കാനുള്ള അവസരം ലഭിക്കും.പരീക്ഷാ പേയിൽ പങ്കെടുക്കാൻ എല്ലാ വിദ്യാർത്ഥികളെയും രക്ഷിതാക്കളെയും ക്ഷണിച്ചുകൊണ്ട് പ്രധാനമന്ത്രി ട്വിറ്റ്വർ അക്കൗണ്ടിൽ ഒരു കുറിപ്പ് പങ്കുവെച്ചിട്ടുണ്ട്.
രക്ഷകർത്താക്കൾ, അദ്ധ്യാപകർ തുടങ്ങിയവർ വിദ്യാർത്ഥികളെ പരീക്ഷയുടെ സമയത്ത് കൂടുതൽ പിരിമുറുക്കത്തിലാക്കരുതെന്നായിരുന്നു കഴിഞ്ഞ വർഷത്തെ പെ പരീക്ഷ ചർച്ച പരിപാടിയുടെ പ്രധാന ചർച്ചാ വിഷയം വിദ്യാർത്ഥികളുടെ പിരിമുറുക്കം കുറയുന്നതോടെ പരീക്ഷാ ഭയവും മാറും. രക്ഷകർത്താക്കൾ വിദ്യാർത്ഥികളുടെ കഴിവുകൾ തിരിച്ചറിഞ്ഞ് അവരെ പ്രോത്സാഹിപ്പിക്കണമെന്നായിരുന്നു പ്രധാനമന്ത്രി നരേന്ദ്ര മോദി കഴിഞ്ഞ വർഷം നൽകിയ സന്ദേശം.
