ഇസ്ലാമാബാദ് : പാകിസ്താനിൽ വിഷവാതകം ശ്വസിച്ച് കുട്ടികൾ ഉൾപ്പെടെ ആറ് പേർ മരിച്ചു. ഖൈബർ പക്തുൻക്വ പ്രവിശ്യയിലെ ഹൻഗു ജില്ലയിലായിരുന്നു സംഭവം. ഹീറ്ററിൽ നിന്നുള്ള വിഷവാതകമാണ് മരണകാരത്തിന് കാരണം ആയത്.
ചൊവ്വാഴ്ച പുലർച്ചെയോടെയായിരുന്നു സംഭവം. സംഭവ സമയം ആറ് പേരും വീട്ടിൽ ഉറങ്ങുകയായിരുന്നു. രാവിലെ ഏറെ വൈകിയും ഇവരെ പുറത്തുകാണാത്തതിനെ തുടർന്ന് അയൽക്കാർ ജനൽ വഴി നോക്കിയപ്പോഴാണ് ഇവരെ അവശനിലയിൽ കണ്ടത്. ഉടനെ ആശുപത്രിയിൽ എത്തിച്ചെങ്കിലും മരിച്ചിരുന്നു. കൊല്ലപ്പെട്ടവരിൽ മൂന്ന് പേർ കുട്ടികളാണ്.
രക്ഷാപ്രവർത്തകരാണ് മുറിയിൽ ഹീറ്റർ പ്രവർത്തിച്ചിരുന്നതായി പോലീസിനോട് പറഞ്ഞത്. രാത്രി കൊടും തണുപ്പ് ആയതിനാൽ ഹീറ്റർ ഓണാക്കിയാണ് ഇവർ കിടന്നത്. വീടിനുള്ളിൽ മുഴുവൻ വിഷപ്പുക വ്യാപിച്ചിട്ടുണ്ടെന്നും ഇവർ വ്യക്തമാക്കി.
Comments