കടുവയും സിംഹവുമൊക്കെ നമ്മേ പേടിപ്പെടുത്തുക മാത്രമല്ല, ചിലപ്പോഴെക്കെ രസിപ്പിക്കാറുമുണ്ട്. പ്രത്യേകിച്ചും വന്യമൃഗങ്ങളുടെ കുഞ്ഞുങ്ങൾ. എത്ര വലിയ ഭീകരന്മാരാണെങ്കിലും കുഞ്ഞുപ്രായത്തിലെ അവരുടെ ചേഷ്ഠകൾക്ക് പ്രത്യേക രസമുണ്ടാകും. അവർ തല്ലുകൂടുന്നതും കളിക്കുന്നതുമെല്ലാം കൗതുകം തന്നെ. അത്തരത്തിലൊരു വീഡിയോ ആണ് സമൂഹമാദ്ധ്യമങ്ങളിൽ വൈറലാകുന്നത്.
WATCH: A lion cub, two tiger twins and a dog were filmed playing together with a ball at Irkutsk zoo in Siberia pic.twitter.com/VYuHkzu1yx
— Reuters (@Reuters) January 22, 2022
കടുവക്കുട്ടികളും സിംഹക്കുട്ടിയും ഒരു ലാബ്രഡോറുമാണ് വീഡിയോയിലെ താരങ്ങൾ. ഇരട്ട കടുവകളായ ലാവൻഡ, ലിയാന എന്നിവരോടൊപ്പം എൽസയെന്ന പെൺകടുവയുമുണ്ട്. ഇനി ഇവർ ഒരു വോളിബോൾ മത്സരത്തിൽ ഏർപ്പെടുകയാണ്. മറ്റൊരു പ്രധാന എതിരാളിയാണ് നമ്മുടെ ലാബ്രഡോർ. നാല് പേരും ചേർന്ന് മഞ്ഞുപുതച്ച് കിടക്കുന്ന മൃഗശാലയ്ക്കുള്ളിൽ വാശിയേറിയ കളിയാണ്.
അപ്പോഴാണ് മറ്റൊരാൾ തന്നെയും കൂട്ടുമോ എന്ന് ചോദിച്ച് രംഗത്തെത്തുന്നത്. ഫോർട്ടിസ് എന്ന സിംഹക്കുട്ടിയാണവൻ. തനിക്ക് മൂന്ന് കാലുകൾ മാത്രമാണെങ്കിലും ഫോർട്ടിസിന് അതൊരു പോരായ്മയല്ല. വോളിബോൾ തട്ടിപ്പറിച്ച് വാങ്ങി സിംഹക്കുട്ടിയും കളിയുടെ ഭാഗമായി. മൃഗശാല ജീവനക്കാരിയായ സ്ത്രീയാണ് വോളിബോൾ ഇവരുടെ പക്കൽ ഇട്ടുകൊടുത്തതും അൽപസമയം കായികത്തിനായി മാറ്റിവെക്കാൻ സംഘത്തെ പ്രേരിപ്പിച്ചതും.
ഏറെ മനോഹരമായ ഈ വീഡിയോ ദൃശ്യങ്ങൾ റഷ്യയിലെ ഒരു മൃഗശാലയിൽ നിന്നുള്ളതാണ്. സൈബീരിയയിലെ ഇർക്കുട്ട്സ്ക് എന്ന മൃഗശാലയാണിത്. ട്വിറ്ററിൽ പങ്കുവെക്കപ്പെട്ട ഈ വീഡിയോ രണ്ട് ലക്ഷത്തോളം കാഴ്ചക്കാരെയാണ് ഇതിനോടകം നേടിയത്.
Comments