ന്യൂഡൽഹി : മഹാശിവരാത്രി ദിനത്തിൽ ശിവക്ഷേത്ര ദർശനം നടത്തി ബാൽ ശിവ സീരിയൽ താരം സിദ്ധാർത്ഥ് അറോറ. വരാണസിയിലെ കാല ഭൈരവ ക്ഷേത്രത്തിലാണ് അദ്ദേഹം ദർശനം നടത്തിയത്. സീരിയലിൽ ശിവഭഗവാന്റെ കഥാപാത്രത്തെ അവതരിപ്പിക്കുന്നത് സിദ്ധാർത്ഥ് ആണ്.
രാവിലെ ക്ഷേത്രത്തിൽ എത്തിയ അദ്ദേഹം വിവിധ പൂജകളും നടത്തി. വർഷത്തിൽ ശിവരാത്രി ദിനത്തിൽ മാത്രം നടക്കാറുള്ള മഹാ പൂജയിലും അദ്ദേഹം പങ്കെടുത്തു. താൻ അകമഴിഞ്ഞ ശിവഭക്തനാണെന്നും, എല്ലാവർഷവും തികഞ്ഞ ഭക്തിയോടെയും സന്തോഷത്തോടെയും ശിവരാത്രി ആഘോഷിക്കാറുണ്ടെന്നും സിദ്ധാർത്ഥ് പറഞ്ഞു.
ശിവരാത്രി ദിനത്തിൽ ശിവഭഗവാന്റെ അനുഗ്രഹം തേടി കാല ഭൈരവ ക്ഷേത്രത്തിൽ എത്തി. ആഘോഷങ്ങളിൽ പങ്കെടുക്കാൻ നഗരത്തിന് പുറത്ത് നിന്നുപോലും നിരവധി പേർ ക്ഷേത്രത്തിലേക്ക് എത്തിയിരുന്നു. ശിവനും ശക്തിയും ഒന്നു ചേരുന്ന വലിയ ഉത്സവമാണ് ശിവരാത്രി.
വർഷങ്ങൾ പഴക്കമുളള ക്ഷേത്രമാണ് കാലഭൈരവ ക്ഷേത്രം. ജലവും, പാലും, പഴങ്ങളും ശിവഭഗവാന് സമർപ്പിച്ചു. വരാണസിയുടെ കാവൽക്കാരനാണ് ശിവഭഗവാൻ. അദ്ദേഹത്തിന്റെ സമ്മതമില്ലാതെ ആർക്കും ഇവിടെ തങ്ങാൻ കഴിയില്ലെന്നും സിദ്ധാർത്ഥ് വ്യക്തമാക്കി.
Comments