മോസ്കോ:യുക്രെയ്നിൽ റഷ്യൻ അധിനിവേശം ആരംഭിച്ചതിന് പിന്നാലെ യുദ്ധത്തിൽ പ്രതിഷേധിച്ച് നിരവധി സംരംഭങ്ങൾ റഷ്യയിൽ പ്രവർത്തനം നിർത്തലാക്കിയിരുന്നു. നെറ്റ്ഫ്ളിക്സ് അടക്കമുള്ള സോഷ്യൽ മീഡിയ പ്ലാറ്റ്ഫോമുകളും ബിബിസി അടക്കമുള്ള വാർത്താ ചാനലുകളുമെല്ലാം റഷ്യയിൽ പ്രവർത്തനം അവസാനിപ്പിച്ചിരുന്നു. ഇപ്പോഴിതാ റെസ്റ്റോറന്റ് ശൃംഖലയായ മക്ഡൊണാൾഡ്സും റഷ്യയിലെ പ്രവർത്തനങ്ങൾ താത്കാലികമായി നിർത്തലാക്കിയിരിക്കുകയാണ്.
രാജ്യത്തിന്റെ വിവിധ ഭാഗങ്ങളിലായി പ്രവർത്തിക്കുന്ന മക്ഡൊണാൾസ് റെസ്റ്റൊറെന്റുകളിലായി 62,000 ജീവനക്കാർ ജോലി ചെയ്യുന്നുണ്ട്. റെസ്റ്റൊറെന്റുകൾ പൂട്ടുമെങ്കിലും ഇത്രയും ജോലിക്കാർക്ക് പ്രതിഫലം നൽകുമെന്നും അത് നിർത്തിലാക്കില്ലെന്നും കമ്പനി അറിയിച്ചു. താത്കാലികമായാണ് അടച്ചുപൂട്ടൽ. എപ്പോൾ തുറന്ന് പ്രവർത്തിക്കുമെന്ന് പറയാനായിട്ടില്ലെന്നും കമ്പനി അറിയിച്ചു. നേരത്തെ യുക്രെയ്നിലെ നൂറോളം റെസ്റ്റൊറെന്റുകളും മക്ഡൊണാൾസ് നിർത്തലാക്കിയിരുന്നു.
റഷ്യയ്ക്ക് മേൽ പാശ്ചാത്യ രാജ്യങ്ങളുടെ സാമ്പത്തിക ഉപരോധങ്ങളുടെ തുടർച്ചയായാണ് മക്ഡൊണാൾഡ്സിന്റെ പ്രവർത്തനം നിർത്താനുള്ള തീരുമാനവും. സോഷ്യൽമീഡിയയിൽ ഇതിനായി ക്യാമ്പെയ്ൻ അടക്കം നടന്നിരുന്നു. കെഎഫ്സി, പിസ്സാ ഹട്ട്, ബർഗർ കിംഗ് എന്നിവയെക്കാൾ റഷ്യയിൽ മക്ഡൊണാൾസ്ന് കൂടുതൽ റെസ്റ്റൊറെന്റുകളുണ്ട്.
Comments