ഛണ്ഡീഗഡ് : ഹരിയാന മുഖ്യമന്ത്രി മനോഹർ ലാൽ ഖട്ടാറിന്റെ വീടിന് നേരെ ആക്രമണം. വാഹനങ്ങളിൽ എത്തിയ അജ്ഞാത സംഘം അദ്ദേഹത്തിന്റെ വീടിന് നേരെ കല്ലെറിഞ്ഞു. ഇന്നലെ രാത്രിയോടെയായിരുന്നു സംഭവം.
ബൈക്കിലെത്തിയ അക്രമി സംഘങ്ങൾ ആണ് കല്ലെറിഞ്ഞത് എന്നാണ് റിപ്പോർട്ടുകൾ. അഞ്ചോളം പേർ സംഘത്തിൽ ഉണ്ടായിരുന്നു. ബൈക്കിൽ എത്തിയ ഇവർ അദ്ദേഹത്തിന്റെ വീടിന് നേർക്ക് കല്ലെറിയുകയായിരുന്നു. ഇത് തടയാൻ ശ്രമിച്ച സുരക്ഷാ ഉദ്യോഗസ്ഥരെയും അക്രമി സംഘം മർദ്ദിച്ചു.
കർനലിലെ പ്രേംനഗറിലാണ് മനോഹർ ലാൽ ഖട്ടാറിന്റെ വസതി. ഇതിന് നേർക്കാണ് ആക്രമണം ഉണ്ടായത്. കല്ലേറിൽ അദ്ദേഹത്തിന്റെ വീടിന്റെ ജനൽചില്ലുകൾ തകർന്നിട്ടുണ്ട്.
സംഭവത്തിൽ പോലീസ് അന്വേഷണം ആരംഭിച്ചിട്ടുണ്ട്. അക്രമികൾക്കായി സിസിടിവി ക്യാമറയിലെ ദൃശ്യങ്ങൾ പരിശോധിച്ചുവരികയാണ്.
