ന്യൂഡൽഹി: നിയമസഭാ തിരഞ്ഞെടുപ്പ് നടന്ന അഞ്ചിടത്തും കോൺഗ്രസ് തോറ്റിട്ടും സോണിയ ഗാന്ധിയുടെ നേതൃത്വത്തെ ഉയർത്തിക്കാട്ടുന്ന കോൺഗ്രസ് നേതൃത്തെ പരിഹസിച്ച് ബിജെപി. തുടർച്ചയായി പരാജയങ്ങൾ ഉണ്ടായിട്ടും കോൺഗ്രസ് ഹൈക്കമാൻഡ് രാജിവെക്കാത്തത് ഈ പാർട്ടി ഒരുകുടുംബത്തെ നയിക്കുന്നു എന്നത് സാക്ഷ്യപ്പെടുത്തുന്നു. അഞ്ച് സംസ്ഥാനങ്ങളിലെ തെരഞ്ഞെടുപ്പിൽ പരാജയപ്പെട്ടിട്ടും കോൺഗ്രസ് അധ്യക്ഷയായി സോണിയ ഗാന്ധിയെ നിലനിർത്തിയതിനെയാണ് ബിജെപി പരിഹസിച്ചത്.ഹൈക്കമാൻഡ് സത്യസന്ധതയില്ലാത്തതാണെന്ന് ബംഗാൾ ബിജെപി നേതാവ് തഥാഗത റോയ് ട്വീറ്റ് ചെയ്തു.
സോണിയയും രാഹുലും പ്രിയങ്ക ഗാന്ധിയും രാജി സന്നദ്ധത അറിയിച്ചെങ്കിലും കോൺഗ്രസ് വർക്കിങ് കമ്മറ്റി അത് നിരസിച്ചു. 2024-ലെ തിരഞ്ഞെടുപ്പ് ഉൾപ്പെടെ ഭാവിയിലേക്കുള്ള റോഡ്മാപ്പ് തയ്യാറാക്കുന്നതിനായി പാർട്ടി ‘ചിന്തൻ ശിവർ’ സംഘടിപ്പിക്കും. മാത്രമല്ല, രാഹുൽ ഗാന്ധിയെ വീണ്ടും പാർട്ടി അധ്യക്ഷനാക്കണമെന്ന ആഗ്രഹം രൺദീപ് സുർജേവാല ഒരിക്കൽ കൂടി ഉന്നയിച്ചു.
നിലവിലെ നേതൃത്വത്തോട് വിയോജിപ്പുള്ളവർ 62 കാരനായ മുകുൾ വാസ്നിക്കിനെ പാർട്ടിയുടെ പ്രസിഡന്റ് സ്ഥാനത്തേക്ക് നിർദ്ദേശിച്ചിരുന്നു. എന്നാൽ ഈ നിർദ്ദേശം പാർട്ടി ഹൈക്കമാൻഡ് നിരസിച്ചു. മുഖ്യമന്ത്രിമാരായ ഭൂപേഷ് ബാഗേലും അശോക് ഗെലോട്ടും ഒരിക്കൽ കൂടി കോൺഗ്രസ് ഭരണം ഏറ്റെടുക്കാൻ രാഹുൽ ഗാന്ധിയോട് അഭ്യർത്ഥിച്ചു. ഉത്തർപ്രദേശ്, പഞ്ചാബ്, ഉത്തരാഖണ്ഡ്, മണിപ്പൂർ, ഗോവ എന്നീ സംസ്ഥാനങ്ങളിൽ പോലും കോൺഗ്രസിന് വിജയിക്കാനായില്ല.
പഞ്ചാബിൽ 92 സീറ്റുകൾ നേടി എഎപി കന്നി വിജയത്തിലേക്ക് കുതിച്ചു. നവജ്യോത് സിംഗ് സിദ്ധു, ചരൺജിത് ഛന്നി തുടങ്ങിയ നേതാക്കൾ എഎപി സ്ഥാനാർത്ഥികളോട് പരാജയപ്പെട്ടപ്പോൾ നാല് ക്യാബിനറ്റ് മന്ത്രിമാരായ അമരീന്ദർ സിംഗ് രാജ വാറിംഗ്, ട്രിപ്റ്റ് ബജ്വ, സുഖ്ജീന്ദർ രൺധാവ, റാണാ ഗുർജീത് സിംഗ് എന്നിവർ സീറ്റ് നിലനിർത്തി.
യുപിയിൽ പ്രിയങ്ക ഗാന്ധിയുടെ ‘ലഡ്കി ഹൂൻ ലഡ് ശക്തി ഹൂൺ’ എന്ന പ്രചാരണം ദയനീയമായി പരാജയപ്പെട്ടു, പാർട്ടിക്ക് രാംപൂർ ഖാസ്, ഫാരെന്ദ എന്നീ രണ്ട് സീറ്റുകൾ മാത്രമാണ് ലഭിച്ചത്. ഉത്തർപ്രദേശ്, ഗോവ, മണിപ്പൂർ, ഉത്തരാഖണ്ഡ് എന്നീ സംസ്ഥാനങ്ങൾ നിലനിർത്തുന്നതിൽ നിന്ന് ബിജെപിയെ തടയാനും കോൺഗ്രസിന് കഴിഞ്ഞില്ല.
കോൺഗ്രസിന്റെ മുഖ്യമന്ത്രി മുഖമായ ഹരീഷ് റാവത്തും പാർട്ടിയും 18 സീറ്റുകൾ മാത്രമാണ് നേടിയത്, ബിജെപി 48 സീറ്റുകൾ നേടി രണ്ടാം തവണയും വിജയിച്ചു. മണിപ്പൂരിൽ കോൺഗ്രസ് കേവലം ആറ് സീറ്റുകളിലേക്ക് ചുരുങ്ങി, ബിജെപി 32 സീറ്റുകളുമായി കേവല ഭൂരിപക്ഷം നേടി പുതിയ സഖ്യ സർക്കാർ രൂപീകരിക്കാൻ എൻപിഎഫുമായി സഖ്യമുണ്ടാക്കി. ഗോവയിൽ 20 സീറ്റുകൾ നേടി ബിജെപി പാതിവഴിയിൽ എത്തി. സർക്കാർ രൂപീകരിക്കാൻ സ്വതന്ത്രരുമായും ടിഎംസി സഖ്യകക്ഷിയായ എംജിപിയുമായും സഖ്യമുണ്ടാക്കും.
