ഇസ്ലാമാബാദ് : പാകിസ്താനിൽ ഭീകരാക്രമണം. ആറ് പട്ടാളക്കാർ കൊല്ലപ്പെട്ടു. 22 പേർക്ക് പരിക്കേറ്റു. ഖൈബർ പക്തൂംഗ്ക്വ പ്രവിശ്യയിൽ രാവിലെയോടെയായിരുന്നു സംഭവം .
ടാങ്ക് ജില്ലയിലെ സുരക്ഷാ ആസ്ഥാനത്തിന് നേരെയായിരുന്നു ഭീകരർ ആക്രമണം നടത്തിയത്. വാഹനങ്ങളിൽ എത്തിയ ഭീകരർ ഗ്രനേഡുകൾ എറിയുകയും, സുരക്ഷാ സേനയ്ക്ക് നേരെ വെടിയുതിർക്കുകയും ആയിരുന്നു. ആസ്ഥാനത്ത് സുരക്ഷയ്ക്കായി വിന്യസിച്ചിരുന്ന പട്ടാളക്കാർ ആണ് കൊല്ലപ്പെട്ടത്.
പരിക്കേറ്റവരെ അടുത്തുള്ള ആശുപത്രികളിൽ പ്രവേശിപ്പിച്ചു. സംഭവത്തിൽ അന്വേഷണം ആരംഭിച്ചതായി ജില്ലാ പോലീസ് മേധാവി വഖാർ അഹമ്മദ് ഖാൻ പറഞ്ഞു. പ്രത്യാക്രമണത്തിൽ മൂന്ന് ഭീകരരെ കൊലപ്പെടുത്തിയതായും പോലീസ് പറയുന്നുണ്ട്. സംഭവത്തിന്റെ പശ്ചാത്തലത്തിൽ ടാങ്ക് ജില്ലയിലേക്കുള്ള റോഡുകൾ മുഴുവൻ അടച്ചിട്ടുണ്ട്.
Comments