ന്യൂഡൽഹി : ആം ആദ്മി ദേശീയ കൺവീനറും ഡൽഹി മുഖ്യമന്ത്രിയുമായ അരവിന്ദ് കെജ്രിവാൾ കേരളത്തിലേക്ക്. എറണാകുളം കിഴക്കമ്പലത്ത് നടക്കുന്ന പൊതുസമ്മേളനത്തിൽ പങ്കെടുക്കാനായാണ് കെജ്രിവാൾ എറണാകുളത്ത് എത്തുന്നത്. ഈ മാസം 15 നാണ് പരിപാടി സംഘടിപ്പിച്ചിരിക്കുന്നത്.
ഉപതെരഞ്ഞെടുപ്പ് നടക്കുന്ന തൃക്കാക്കരയിൽ കെജ്രിവാൾ പ്രചാരണത്തിന് ഇറങ്ങിയേക്കുമെന്ന സൂചനകളാണ് ലഭിക്കുന്നത്. അരലക്ഷം പ്രവർത്തകരെ സംഘടിപ്പിച്ചുകൊണ്ട് ട്വന്റി 20 യാണ് കിഴക്കമ്പലത്ത് പൊതുസമ്മേളനം സംഘടിപ്പിക്കുന്നത്. തൃക്കാക്കരയിൽ സ്ഥാനാർത്ഥി നിർണയ ചർച്ചകളിലാണ് മൂന്ന് മുന്നണികളും ട്വന്റി 20യും.
തൃക്കാക്കര ഉപതെരഞ്ഞെടുപ്പിൽ ട്വൻറി 20യുമായി കൈകോർക്കുമെന്ന് ആം ആദ്മി നേരത്തെ പ്രഖ്യാപിച്ചിരുന്നു. ട്വൻറി 20യുടെ പിന്തുണയോടെ സ്ഥാനാർഥിയെ നിർത്താനാണ് ആം ആദ്മിയുടെ നീക്കം. കേരളത്തിൽ ഉപതിരഞ്ഞെടുപ്പിലൂടെ പാർട്ടി മുദ്ര പതിപ്പിക്കാനാണ് നേതാക്കളുടെ തീരുമാനം.
Comments