ലക്നൗ : അയോദ്ധ്യയിലെ ക്രോസ് റോഡിന് അന്തരിച്ച പ്രശസ്ത ഗായിക ലതാ മങ്കേഷ്കറിന്റെ പേരിടാൻ നിർദ്ദേശിച്ച് ഉത്തർപ്രദേശ് മുഖ്യമന്ത്രി യോഗി ആദിത്യനാഥ്. 15 ദിവസത്തിനകം നിർദേശം സർക്കാരിന് അയക്കാൻ യോഗി ആദിത്യനാഥ് പൗരസമിതിയോട് ആവശ്യപ്പെട്ടു.
അയോദ്ധ്യ മുനിസിപ്പൽ കോർപ്പറേഷന് നഗരത്തിലെ പ്രധാന ക്രോസിംഗുകൾ കണ്ടെത്തി നിശ്ചിത സമയപരിധിക്കുള്ളിൽ അയയ്ക്കേണ്ടതുണ്ട്.
യുപി നിയമസഭാ തിരഞ്ഞെടുപ്പിന് മുന്നോടിയായി നൽകിയ വാഗ്ദാനമാണ് യോഗി ആദിത്യനാഥ് പാലിക്കുന്നത്. കാസ്ഗഞ്ചിൽ പ്രചാരണത്തിനിടെ യുപി മുഖ്യമന്ത്രി, അയോദ്ധ്യയിലെ പ്രധാന ക്രോസ്റോഡുകളിലൊന്നിന് ഇതിഹാസ ഗായികയുടെ പേര് നൽകുമെന്ന് വാഗ്ദാനം ചെയ്തിരുന്നു.
കൊറോണയും ന്യൂമോണിയയും ബാധിച്ച് ചികിത്സയിലായിരുന്ന ഇന്ത്യയുടെ വാനമ്പാടി ലതാ മങ്കേഷ്കർ, കഴിഞ്ഞ ഫെബ്രുവരി 6 നാണ് അന്തരിച്ചത്. 92 വയസ്സ് ആയിരുന്നു.
Comments