ഭുവനേശ്വർ: റെയിൽവേസ്റ്റേഷനുകളിൽ യാത്രക്കാരുടെ അശ്രദ്ധ മൂലം പലപ്പോഴും അപകടം സംഭവിക്കാറുണ്ട്. മരണത്തെ മുഖാമുഖം കാണുന്ന അത്തരം സാഹചര്യങ്ങളിൽ ദേവദൂതരെ പോലെയെത്തുന്ന റെയിൽവേ പോലീസുകാർ ജീവൻ രക്ഷിക്കുന്ന സംഭവങ്ങളും വിരളമല്ല.
അത്തരമൊരു വാർത്തയും അതിന്റെ ദൃശ്യങ്ങളുമാണ് ഇപ്പോൾ ഭുവനേശ്വർ റെയിൽവേ സ്റ്റേഷനിൽ നിന്നും പുറത്തുവരുന്നത്. ഓടുന്ന ട്രെയിനിൽ നിന്നും വീഴുന്ന യാത്രക്കാരിയെ പോലീസ് രക്ഷിക്കുന്നതാണ് ദൃശ്യങ്ങൾ. റെയിൽവേ പ്രൊട്ടക്ഷൻ ഫോഴ്സിന്റെ കോൺസ്റ്റബിളാണ് രക്ഷാപ്രവർത്തനം നടത്തിയത്.
Great work by Head Constable Sunaram Munda @RPF_INDIA today at Bhubaneswar Railway Station. He saved the life of a lady passenger. Please watch the video till the end.
@CMO_Odisha @DGPOdisha pic.twitter.com/3QLgA9FHfm— Dr Sudhanshu Sarangi (@SarangiSudhansu) May 11, 2022
ട്രെയിൻ നിർത്തുന്നതിന് മുമ്പ് തന്നെ പ്ലാറ്റ്ഫോമിലേക്ക് ഇറങ്ങാൻ തുനിഞ്ഞതോടെ യാത്രക്കാരി അപകടത്തിൽപ്പെടുകയായിരുന്നു. കാൽതെറ്റി വീണ യാത്രക്കാരി ട്രെയിനിന് അടിയിലേക്ക് വീഴുന്നത് ഒഴിവാക്കാനായിരുന്നു പോലീസ് ശ്രമിച്ചത്. സംഭവത്തിന്റെ സിസിടിവി ദൃശ്യങ്ങൾ പുറത്തുവന്നിട്ടുണ്ട്.
റെയിൽവേയുടെ അഡീഷണൽ ജനറൽ ഓഫ് പോലീസ് സുശാന്തു സാരംഗി ദൃശ്യങ്ങൾ ട്വിറ്ററിൽ പങ്കുവെച്ചതോടെയാണ് രക്ഷാപ്രവർത്തനം വൈറലായത്. യാത്രക്കാരിയെ രക്ഷപ്പെടുത്തിയത് റെയിൽവേ ഹെഡ് കോൺസ്റ്റബിൾ എസ്. മുണ്ടയാണെന്നും അദ്ദേഹം അറിയിച്ചു. മുണ്ട പ്ലാറ്റ്ഫോം ഡ്യൂട്ടി ചെയ്യുമ്പോഴാണ് യാത്രക്കാരി കാൽതെറ്റി വീഴുന്നത് ശ്രദ്ധയിൽപ്പെട്ടത്. പലസ-കട്ടക് എക്സ്പ്രസിൽ നിന്നായിരുന്നു യാത്രക്കാരി വീണതെന്ന് പോലീസ് അറിയിച്ചു.
Comments