കണ്ണൂർ: മോഷണശ്രമത്തിനിടെ കിണറിൽ കാൽതെറ്റി വീണ കള്ളനെ കരയ്‌ക്ക് കയറ്റി പോലീസിലേൽപ്പിച്ചു.തളിപ്പറമ്പ് മുയ്യം സ്വദേശിയായ എപി ഷെമീർ (35) ആണ് പിടിയിലായത്. കണ്ണൂർ എരമം-കുറ്റൂർ പഞ്ചായത്തിലെ തുമ്പത്തടത്ത് കഴിഞ്ഞദിവസം രാത്രിയായിരുന്നു സംഭവം. കണ്ണൂർ മാതമംഗലം തുമ്പത്തടത്തിലെ അദ്ധ്യപകരായ പവിത്രൻ രാജമ്മ എന്നിവരുടെ വീട്ടിലാണ് മോഷണശ്രമം നടന്നത്.
മോഷണ ശ്രമം നടക്കുമ്പോൾ വീട്ടുകാർ സ്ഥലത്തുണ്ടായിരുന്നില്ല. കിണറിന്റെ ആൾമറ വഴി സൺഷെഡ് വഴി വീടിന് ഉള്ളിലേക്ക് ടെറസ് വഴി കയറാനുള്ള ശ്രമത്തിൽ കാലുതെറ്റി കിണറ്റിൽ വീണതാകാം എന്നാണ് നിഗഗമനം.
നിലവിളിയും ബഹളവും കേട്ടെത്തിയ അയൽക്കാർ അഗ്നിശമനസേനയെ വിവരമറിയിക്കുകയായിരുന്നു. നിരവധി മോഷണക്കേസുകളിൽ പ്രതിയാണ് ഷെമീറെന്നാണ് പോലീസ് നൽകുന്ന വിവരം.പ്രതി വന്നതെന്ന് സംശയിക്കുന്ന ബൈക്ക് പോലീസ് കസ്റ്റഡിയിലെടുത്തിട്ടുണ്ട്. വീടിനടുത്ത കുറ്റിക്കാട്ടിൽ ഒളിപ്പിച്ച നിലയിലായിരുന്നു ബെക്ക്.
