മ്യൂണിച്ച്: ബോക്സിംഗ് റിംഗിൽ ഇതുവരെ പരാജയം അറിയാതിരുന്ന താരം മത്സരത്തിനിടെ കുഴഞ്ഞുവീണു മരിച്ചു. തുർക്കിയുടെ മൂസാ അസ്കാൻ യാമാകാണ് മ്യൂണിച്ചിലെ മത്സരത്തിനിടെ കുഴഞ്ഞുവീണു മരിച്ചത്. ഉഗാണ്ടയുടെ സീനിയർ താരം ഹംസ വാണ്ടേരയുമായി ഏറ്റുമുട്ടുന്നതിനിടെയാണ് ദാരുണ സംഭവം നടന്നത്.
‘ഞങ്ങൾക്ക് കരുത്തനായ പങ്കാളിയെ നഷ്ടമായിരിക്കുന്നു. മൂസാ അസ്കാൻ യാമക് റിംഗിൽ തന്റെ ജീവൻ വെടിഞ്ഞു. യൂറോപ് ഏഷ്യൻ ചാമ്പ്യൻ ഷിപ്പുകളിൽ എന്നും മെഡൽ നേടാറുള്ള തുർക്കിയുടെ അഭിമാനമായിരുന്നു യാമക്. മരണകാരണം ഹൃദയാഘാത മാണെന്നാണ് സ്ഥിരീകരിക്കപ്പെട്ടത്.’ ബോക്സിംഗ് അസോസിയേഷൻ ഭാരവാഹി ഹസൻ തുറാൻ പറഞ്ഞു.
മത്സരത്തിനിടെ കനത്ത ആഘാതം ഹംസയിൽ നിന്ന് യമാക്കിന് ഏറ്റിരുന്നു. അതിന് ശേഷം വീണ്ടും അടുത്ത പോരാട്ടത്തിനായി തയ്യാറായി നിൽക്കുമ്പോഴാണ് റിംഗിൽ കുഴഞ്ഞു വീണത്. 2017ൽ പ്രൊഫഷണൽ ബോക്സിംഗിലേക്ക് എത്തിയ യാമാക് ഇത്തവണ 8-0 എന്ന മികച്ച നേട്ടത്തോടെയാണ് ടൂർണ്ണമെന്റിൽ തിളങ്ങിയത്.
Comments