ജക്കാർത്ത: ഏഷ്യാകപ്പ് ഹോക്കി സ്വർണ്ണം ദക്ഷിണ കൊറിയയ്ക്ക്. കലാശ പോരാട്ടത്തിൽ മലേഷ്യയെ ഒന്നിനെതിരെ രണ്ടു ഗോളുകൾക്കാണ് ദക്ഷിണ കൊറിയ തോൽപ്പിച്ചത്. ഇന്ത്യയെ സെമിഫൈനിൽ 4-4ന് സമനിലയിൽ പിടിച്ച് ഗോൾ ശരാശരിയുടെ മികവിലാണ് ദക്ഷിണ കൊറിയ ഫൈനലിന് യോഗ്യത നേടിയത്.
കളിയുടെ 16-ാം മിനിറ്റിൽ ജുംഗ് മാഞ്ചേയിലൂടെയാണ് ദക്ഷിണ കൊറിയ മുന്നിലെത്തിയത്. 24-ാം മിനിറ്റിൽ ചോലാൻ സയ്യദിലൂടെ മലേഷ്യ 1-1 സമനില പിടിച്ചു. 51-ാം മിനിറ്റിൽ ഹ്വാംഗ് തായേലിയിലൂടെയാണ് കൊറിയ വിജയ ഗോൾ സ്വന്തമാക്കിയത്.
ഏഷ്യൻ ഹോക്കിയിൽ ഇന്ന് നടന്ന മൂന്നാം സ്ഥാനക്കാർക്കുള്ള പോരാട്ടത്തിൽ ഇന്ത്യ ഏകപക്ഷീയമായ ഒരു ഗോളിന് ജപ്പാനെ തോൽപ്പിച്ച് വെങ്കല മെഡൽ നേടിയിരുന്നു.
