ന്യൂഡൽഹി: സൊമാറ്റോ വഴി ഓർഡർ ചെയ്ത കോഫിയിൽ നിന്നും ചിക്കൻ കഷ്ണം കിട്ടിയതായി പരാതി. സുമിത് എന്ന യുവാവ് ട്വിറ്റിലൂടെ തന്റെ ദുരനുഭവം പങ്കുവെച്ചതോടെയാണ് ഓൺലൈനായി വന്ന കോഫിയിൽ ചിക്കനിട്ട് തന്ന വിവരം പുറം ലോകമറിഞ്ഞത്. തനിക്ക് ലഭിച്ച ‘ചിക്കൻ കോഫി’യുടെ ചിത്രവും പോസ്റ്റിനോടൊപ്പം സുമിത് പങ്കുവെച്ചു.
‘ഇതിത്തിരി കടന്നുപോയി!! കോഫിയിൽ ചിക്കൻ കഷ്ണം.. കഷ്ടം തന്നെ! നിങ്ങളുമായുള്ള ബന്ധം ഇതോടെ അവസാനിപ്പിക്കുകയാണ്.’ എന്നായിരുന്നു സുമിത്തിന്റെ ട്വീറ്റ്.
ഡൽഹിയിലെ അതിപ്രശസ്തമായ ഷോപ്പിൽ നിന്നാണ് താൻ കോഫി ഓർഡർ ചെയ്തതെന്ന് സുമിത് വ്യക്തമാക്കുന്നു. സൊമാറ്റോയാണ് ഡെലിവറി ചെയ്തത്. സസ്യാഹാരിയായ തന്റെ ഭാര്യയാണ് കോഫിയിലെ ചിക്കൻ പീസ് കണ്ടെത്തിയതെന്നും അദ്ദേഹം പറഞ്ഞു.
Ordered coffee from @zomato , (@thirdwaveindia ) , this is too much .
I chicken piece in coffee !
Pathetic .
My association with you officially ended today . pic.twitter.com/UAhxPiVxqH
— Sumit (@sumitsaurabh) June 3, 2022
പോസ്റ്റ് വൈറലായതിന് പിന്നാലെ ക്ഷമാപണവുമായി കോഫി ഷോപ്പ് രംഗത്തെത്തി. ഞങ്ങളുടെ സംഘം എത്രയും പെട്ടെന്ന് നിങ്ങളുമായി ബന്ധപ്പെടുന്നതാണെന്നും താങ്കൾക്ക് അസൗകര്യം നേരിട്ടതിൽ ക്ഷമ ചോദിക്കുന്നതായും അവർ ട്വീറ്റ് ചെയ്തു.
We completely understand this and sincerely apologise for the same. Requesting to please share your contact details. Our team will get in touch shortly.
— Third Wave Coffee (@thirdwaveindia) June 3, 2022
Comments