ന്യൂഡൽഹി: നാഷണൽ ഹെറാൾഡ് കേസിൽ രാഹുലിനെ ഇന്ന് ഇ.ഡി വിണ്ടും ചോദ്യം ചെയ്യും. വെള്ളിയാഴ്ച നിശ്ചയിച്ചിരുന്ന ചേദ്യം ചെയ്യൽ തിങ്കളാഴ്ച്ചത്തേക്ക് മാറ്റണമെന്ന രാഹുലിന്റെ ആവശ്യം അംഗീകരിച്ച് ഇന്ന് ഹാജരാകാൻ ഇ.ഡി നോട്ടീസ് അയക്കുകയായിരുന്നു. അമ്മ അസുഖബാധിതയാണെന്നും ചോദ്യം ചെയ്യൽ മൂന്ന് ദിവസത്തേക്ക് കൂടി നീട്ടണമെന്നുമായിരുന്നു രാഹുലിന്റെ ആവശ്യം.
ഇന്ന് ഡൽഹിയിൽ നാലാംഘട്ട ചോദ്യം ചെയ്യലാണ് രാഹുൽ ഗാന്ധി നേരിടുന്നത്. ഇതുവരെ 30 മണിക്കൂറോളം അന്വേഷണ ഉദ്യോഗസ്ഥർ രാഹുലിനെ ചോദ്യം ചെയ്തിരുന്നു. ഓരോ ചോദ്യങ്ങൾക്കും ഉത്തരം നൽകാൻ ഏറെ സമയമെടുക്കുന്നതുൾപ്പെടെയുള്ള രാഹുലിന്റെ പെരുമാറ്റം മൂലമാണ് ചോദ്യം ചെയ്യൽ നീളാൻ കാരണമെന്നാണ് വിവരം.
അതേസമയം രാഹുലിനെ ഇഡി ചേദ്യം ചെയ്യുന്നതിനെതിരെ പ്രതിഷേധിക്കാൻ മുഴുവൻ കോൺഗ്രസ് എംപിമാരോടും ഡൽഹിയിൽ എത്താൻ പാർട്ടി ദേശീയ നേത്യത്വം നിർദേശിച്ചിട്ടുണ്ട്. രാഹുലിന്റെ അറസ്റ്റുണ്ടായേക്കുമെന്ന സൂചന ലഭിച്ചതോടെ പ്രതിഷേധം കടുപ്പിക്കുകയാണ് കോൺഗ്രസ്.
Comments