ബംഗലൂരു: രഞ്ജി ട്രോഫി ഫൈനലിൽ ഒന്നാം ദിവസം കളി അവസാനിക്കുമ്പോൾ മദ്ധ്യപ്രദേശിനെതിരെ മുംബൈ ഭേദപ്പെട്ട നിലയിൽ. ഓപ്പണർ യശസ്വി ജയ്സ്വാളിന്റെ അർദ്ധസെഞ്ച്വറി മികവിൽ മുംബൈ 5 വിക്കറ്റ് നഷ്ടത്തിൽ 248 റൺസെടുത്തു. മുംബൈക്ക് വേണ്ടി ഓപ്പണർ പൃഥ്വി ഷാ 47 റൺസെടുത്തു.
40 റൺസെടുത്ത സർഫറാസ് ഖാനും 12 റൺസെടുത്ത ഷംസ് മുളാനിയുമാണ് ഒന്നാം ദിനം കളി അവസാനിക്കുമ്പോൾ ക്രീസിൽ. മദ്ധ്യപ്രദേശിന് വേണ്ടി സരൺസ് ജയിനും അനുഭവ് അഗർവാളും 2 വിക്കറ്റ് വീതം വീഴ്ത്തി. കുമാർ കാർത്തികേയക്ക് ഒരു വിക്കറ്റ് ലഭിച്ചു.
ടോസ് നേടിയ മുംബൈ ബാറ്റിംഗ് തിരഞ്ഞെടുക്കുകയായിരുന്നു. ബംഗലൂരു ചിന്നസ്വാമി സ്റ്റേഡിയത്തിലാണ് മത്സരം.
