തിരുവനന്തപുരം: രാഹുല് ഗാന്ധിയുടെ വയനാട്ടിലെ ഓഫിസ് തകര്ത്ത എസ് എഫ് ഐ അതിക്രമത്തിനെതിരെ സംസ്ഥാനത്ത് കോണ്ഗ്രസ് പ്രതിഷേധം കടുപ്പിച്ചിരിക്കുകായാണ്. മുഖ്യമന്ത്രിയും പാര്ട്ടിയും ഒരുപോലെ അതിക്രമത്തെ തള്ളി പറഞ്ഞതോടെ എസ് എഫ് ഐ കൂടുതല് പ്രതിരോധത്തിലാണ്. ഈ സാഹചര്യത്തിലാണ് അത്രിക്രമത്തില് വിശദീകരണവുമായി സംഘടന എത്തിയത്.
എസ്എഫ്ഐ നേതൃത്വത്തിന്റെ അറിവോടെയല്ല പ്രതിഷേധം നടന്നതെന്നും സമരത്തിന് നേതൃത്വം നല്കിയവര്ക്കെതിരെ നടപടി സ്വീകരിക്കുമെന്നും എസ്എഫഐ അറിയിച്ചു. എസ്എഫഐ സംസ്ഥാന പ്രസിഡന്റും നിരവധി ക്രിമിനല് കേസുകളില് ജയിലില് കഴിയുന്ന സംസ്ഥാന സെക്രട്ടറി പി എം ആര്ഷോയുംചേര്ന്ന് പുറത്തിറക്കിയ പ്രസ്താവനയില് വ്യക്തമാക്കി.
സംഭവത്തിന്റെ പേരില് എസ്എഫ്ഐയെ ആക്രമിക്കാനുള്ള വലതുപക്ഷ സംഘടനകളുടെ നീക്കത്തെ ചെറുത്തു തോല്പ്പിക്കുമെന്നും ക്രിമിനല് കേസുകളില് ജയിലില് കഴിയുന്ന സംസ്ഥാന സെക്രട്ടറി പി എം ആര്ഷോയുടെ പേരില് പുറത്ത് വന്ന പ്രസ്താവനയില് പറയുന്നു.
പ്രസ്താവനയുടെ പൂര്ണ്ണരൂപം
രാഹുല് ഗാന്ധി എം.പിയുടെ ഓഫീസിലേക്ക് നടന്ന സമരവും ആക്രമണവും അംഗീകരിക്കാനാവാത്തത്, നേതൃത്വം നല്കിയവര്ക്കെതിരെ സംഘടനാ നടപടി സ്വീകരിക്കും : എസ്.എഫ്.ഐ
രാഹുല് ഗാന്ധി എം.പിയുടെ കല്പ്പറ്റയിലെ ഓഫീസിന് നേരെ എസ്.എഫ്.ഐ വയനാട് ജില്ലാ കമ്മിറ്റിയുടെ നേതൃത്വത്തില് നടന്ന സമരവും തുടര്ന്നുണ്ടായ ആക്രമണവും അംഗീകരിക്കാനാവില്ല, ഇതിനെ തള്ളിപ്പറയുന്നു. സംരക്ഷിത വനമേഖലയുടെ ബഫര് സോണിനെ സംബന്ധിച്ചുള്ള സുപ്രീം കോടതിയുടെ ഉത്തരവുമായി ബന്ധപ്പെട്ട് ഉയര്ന്നുവന്ന വിഷയം ഏറ്റെടുത്ത് സമരം സംഘടിപ്പിക്കാന് എസ്.എഫ്.ഐയുടെ സംസ്ഥാന കമ്മിറ്റി തീരുമാനിച്ചിട്ടില്ല. ഇന്ന് രാഹുല് ഗാന്ധിയുടെ ഓഫീസിലേക്ക് എസ്.എഫ്.ഐ വയനാട് ജില്ലാ കമ്മിറ്റിയുടെ നേതൃത്വത്തില് സംഘടിപ്പിച്ച മാര്ച്ചിന് എസ്.എഫ്.ഐ സംസ്ഥാന നേതൃത്വത്തിന്റെ അറിവോ സമ്മതമോ ഉണ്ടായിരുന്നില്ല. ഇതുമായി ബന്ധപ്പെട്ട് എന്താണ് സംഭവിച്ചത് എന്ന് സംഘടനാപരമായി പരിശോധിച്ച് സമരത്തിന് നേതൃത്വം നല്കിയ പ്രവര്ത്തകര്ക്ക് നേരെ ശക്തവും മാതൃകാപരവുമായ സംഘടനാ നടപടി സ്വീകരിക്കും. ഒറ്റപ്പെട്ട ഈ സംഭവം ഉയര്ത്തിപ്പിടിച്ച് എസ്.എഫ്.ഐയെ മോശമായി ചിത്രീകരിക്കാനുള്ള വലതുപക്ഷത്തിന്റെ രാഷ്ട്രീയ അജണ്ട പൊതുസമൂഹവും വിദ്യാര്ത്ഥികളും തിരിച്ചറിയണം. അവസരം മുതലെടുത്ത് എസ്.എഫ്.ഐയെ ആക്രമിക്കാനുള്ള വലതുപക്ഷ നീക്കത്തെ വിദ്യാര്ത്ഥികളെ അണിനിരത്തി ചെറുത്തു തോല്പ്പിക്കുകയും ചെയ്യുമെന്ന് സംസ്ഥാന പ്രസിഡന്റ് കെ അനുശ്രീ സംസ്ഥാന സെക്രട്ടറി പി എം ആര്ഷോ എന്നിവര് പ്രസ്താവനയിലൂടെ അറിയിച്ചു.
Comments