തകർക്കാനാവില്ല ഈ ദേശഭക്തി; മുറിവ് വെച്ച് കെട്ടുമ്പോഴും ദേശീയ ഗാനം ചൊല്ലി പെൺകുട്ടി; വൈറലായി വീഡിയോ

നാല് മാസത്തിലേറെയായി യുക്രെയ്‌ന് നേരെ റഷ്യ യുദ്ധം ആരംഭിച്ചിട്ട്. ജീവിതം വഴിമുട്ടിയ ലക്ഷക്കണക്കിന് ആളുകൾ ഇതിനോടകംതന്നെ രാജ്യംവിട്ട് പോയിക്കഴിഞ്ഞു. മറ്റുചിലർ ഇന്നും പോരാടാൻ മുന്നിൽ നിൽക്കുന്നുണ്ട്.

യുദ്ധത്തിൽ തകർന്ന രാജ്യത്തെ ജനങ്ങളുടെ തിരിച്ചുവരവിന്റെ കഥകളാണ് ഇപ്പോൾ പുറത്തുവരുന്നത്. ഒരു ശക്തിക്ക് മുന്നിലും തലകുനിക്കാൻ തങ്ങൾ തയ്യാറല്ലെന്ന് പ്രഖ്യാപിക്കുന്ന ആളുകളും ഓരോ നിമിഷവും പോരാടുകയാണ്. ഇതോടൊപ്പം ജനങ്ങളുടെ രാജ്യസ്‌നേഹം വിളിച്ചോതുന്ന ഒരു കൊച്ചു കുട്ടിയുടെ വീഡിയോയാണ് സമൂഹമാദ്ധ്യമങ്ങളിൽ പ്രചരിക്കുന്നത്.

സ്വന്തം ശരീരത്തിലെ മുറിവുകൾ വെച്ച് കെട്ടുമ്പോഴും ദേശീയ ഗാനം ഉറക്കെ പാടുകയാണ് ഈ മിടുക്കിക്കുട്ടി. യുക്രെയ്ൻ ആഭ്യന്തര മന്ത്രിയുടെ ഉപദേഷ്ടാവായ ആന്റൺ ഗെരാഷ്ചെങ്കോ ആണ് ഈ വീഡിയോ പങ്കുവെച്ചിരിക്കുന്നത്. ”തകർക്കാർ സാധിക്കാത്തത്… മുറിവുകൾ വച്ച് കെട്ടുമ്പോഴും യുക്രെയ്ൻ ദേശീയ ഗാനം ആലപിക്കുന്ന പെൺകുട്ടി” എന്ന ക്യാപ്ഷനോടെയാണ് ഇത് പങ്കുവെച്ചിരിക്കുന്നത്. നിമിഷം നേരെ കൊണ്ട് ഈ വീഡിയോ സമൂഹമാദ്ധ്യമങ്ങളിൽ വൈറലായി.

വീഡിയോ കാണാം

Unbreakable…🇺🇦

A little girl sings Ukrainian anthem while she getting her bandages.

📹: Viktor Pashula#UkraineRussiaWar #russiaisaterrorisstate #StopRussia pic.twitter.com/BBvlxWmcIp

— Anton Gerashchenko (@Gerashchenko_en) June 29, 2022