പ്രമുഖ സ്മാർട്ട്ഫോൺ നിർമ്മാതാക്കളായ റിയല്മി തങ്ങളുടെ പുതിയ മോഡലായ റിയല്മി ജിടി നിയോ 3 തോര് ലവ് ആന്റ് തണ്ടര് ലിമിറ്റഡ് എഡിഷന് ( GT NEO 3 150W Thor: Love and Thunder Limited Edition) ഇന്ത്യയില് അവതരിപ്പിച്ചു.
6.7 ഇഞ്ച് ഫുൾ എച്ച്ഡി പ്ലസ് 10-ബിറ്റ് എഎംഒഎൽഇഡി ഡിസ്പ്ലേയാണ് പുതിയ തോർ: ലവ് ആൻഡ് തണ്ടർ ലിമിറ്റഡ് എഡിഷന് നൽകിയിട്ടുള്ളത്. 150 W അൾട്രാഡാർട്ട് ചാർജിംഗ് പിന്തുണയും ഇതിനുണ്ട്. ജിടി നിയോ 3 തോര് ലവ് ആന്റ് തണ്ടര് ലിമിറ്റഡ് എഡിഷന് സ്മാർട്ട്ഫോൺ തോര് സിനിമയുടെ തീം നിറമായ നൈട്രോ ബ്ലൂ കളർ വേരിയന്റിലാണ് പുറത്തിറങ്ങിയിരിക്കുന്നത്. ഇന്ത്യയിൽ 12 ജിബി റാമിലും 256 ജിബി സ്റ്റോറേജിലും ആണ് ഈ ഫോണ് ലഭിക്കുക. 42,999 രൂപയാണ് വില.
2022 ജൂലൈ 13 മുതൽ ഫ്ളിപ്കാര്ട്ട്, റിയൽമി ഡോട്ട് കോം, റിയൽമി മെയിൻലൈൻ സ്റ്റോറുകൾ വഴി ഈ സ്മാർട്ട്ഫോൺ വില്പ്പനയ്ക്ക് എത്തും. മീഡിയടെക് ഡെമന്സിറ്റി 8100 5G എസ്ഒസിയാണ് ഇതിന്റെ ചിപ്പ്.- 6.7-ഇഞ്ച് ഫുൾ-എച്ച്ഡി പ്ലസ് 10-ബിറ്റ് എഎംഒഎല്ഇഡി 120 ഹെര്ട്സ് പാനലുമായാണ് ജിടി നിയോ 3 വരുന്നത്.
150വാട്സ് അൾട്രാഡാർട്ട് ചാർജിംഗിനുള്ള പിന്തുണയുള്ള 4,500എംഎഎച്ച് ബാറ്ററിയാണ് ഇതിലുള്ളത് . ഇത് 12 ജിബി റാമും 512 ജിബി സ്റ്റോറേജും പായ്ക്ക് ചെയ്യുകയും ആൻഡ്രോയിഡ് 12 അടിസ്ഥാനമാക്കിയുള്ള റിയൽമി യുഐയില് പ്രവര്ത്തിക്കുകയും ചെയ്യുന്നു . ഇതിന്റെ മുൻവശത്ത് 16 എംപി സെൽഫി ഷൂട്ടർ ഉണ്ട്, കൂടാതെ ട്രിപ്പിൾ റിയർ ക്യാമറയിൽ 50 എംപി പ്രൈമറി, 8 എംപി അൾട്രാ വൈഡ്, 2 എംപി മാക്രോ സെൻസർ എന്നിവയുണ്ട്.
