അതൊരു നിസ്സാര നേട്ടമല്ല; ജോക്കോവിച്ചിന്റ വിംബിൾഡൺ കിരീടനേട്ടത്തെ പ്രശംസിച്ച് സച്ചിൻ ടെൻഡുൽക്കർ

ന്യൂഡൽഹി; നൊവാക് ജോക്കോവിച്ചിന്റെ വിംബിൾഡൺ കിരീട നേട്ടത്തെ പ്രശംസിച്ച് ക്രിക്കറ്റ് ഇതിഹാസം സച്ചിൻ ടെൻഡുൽക്കർ. ട്വിറ്ററിലൂടെയാണ് അദ്ദേഹം ജോക്കോവിച്ചിന്റെ ചരിത്രനേട്ടത്തെ പ്രശംസിച്ചത്.

”തുടർച്ചയായ 4 വിംബിൾഡൺ കിരീടങ്ങൾ ” അതൊരു നിസ്സാര നേട്ടമല്ല. അദ്ദേഹത്തിന്റ കഠിനപ്രയത്‌നവും, ലക്ഷ്യബോധവും, സ്ഥിരതയുമാണ് ഈ വിജയത്തിന് അദ്ദേഹത്തെ യോഗ്യനാക്കിയത് എന്ന് സച്ചിൻ ട്വിറ്ററിൽ കുറിച്ചു.

4️⃣ straight Wimbledon’s in a row is no mean feat. @DjokerNole’s composure, focus and consistency has been the hallmark of his game over the years.

Lovely to see Novak appreciating @NickKyrgios & the staff at #Wimbledon after this win. pic.twitter.com/N6nEf3TntK

— Sachin Tendulkar (@sachin_rt) July 10, 2022

പുൽകോർട്ടിൽ ഓസ്‌ട്രേലിയൻ താരം നിക് കിർഗിയോസ്് ഉയർത്തിയ വെല്ലുവിളികളെ അതിജിവിച്ചാണ് ജോക്കോവിച്ച് (4-6, 6-3, 7-6) വിംബിൾഡൺ ട്രോഫിയിൽ ഏഴാം തവണയും തന്റെ പേര് എഴുതി ചേർത്തത്. 35 കാരനായ ജോക്കോവിച്ച് പരാജയമറിയാതെയുള്ള 28 ാം മത്സരം പൂർത്തിയാക്കിയപ്പോൾ പൊലിഞ്ഞത് ആദ്യ ഗ്രാന്റ്സ്ലാം കിരീടമെന്ന ഓസ്‌ട്രേലിയക്കാരൻ നിക്ക് കിർഗിയോസിന്റ സ്വപ്നമായിരുന്നു.

കിർഗിയോസിന്റ കിരീട നഷ്ടത്തിൽ താൻ വേദനിക്കുന്നു എന്നും, തങ്കൾ ഒരു അസാധാരണ ടെന്നീസ് കളിക്കാരൻ ആണന്നും സച്ചിൻ ട്വിറ്ററിൽ കുറിച്ചു. വിജയത്തിന് ശേഷം നിക്ക് കിർഗിയോസും വിംബിൾഡൺ സ്റ്റാഫുകളും ജോക്കോവിച്ചിനെ അഭിനന്ദിച്ചതിനെക്കുറിച്ചും സച്ചിൻ ട്വീറ്റിൽ പരാമർശിച്ചു. കിരീടം ഉയർത്തി ചുംബിക്കുന്ന ജോക്കോവിച്ചിന്റെ ചിത്രം സഹിതമായിരുന്നു സച്ചിന്റെ ട്വീറ്റ്.

കരിയറിലെ 21 ാം ഗ്രാൻഡ് സ്ലാം കിരീടമാണ് ജോക്കോവിച്ച് നേടിയത്.