ലോകത്ത് മസ്തിഷ്ക സംബന്ധമായ അസുഖങ്ങളും , ബുദ്ധിമുട്ടുകളും ദിനംപ്രതി കൂടി വരികയാണ് . വേഗതയേറിയ ജീവിതത്തിൽ നമ്മൾ പലപ്പോഴും ഇത്തരം കാര്യങ്ങളെ കുറിച്ച് ശ്രദ്ധിക്കാറില്ല എന്നതാണ് യാഥാർഥ്യം . എങ്ങനെയാണ് നമ്മുടെ ശരീരവും , ആരോഗ്യവും ഉറപ്പുള്ളതാക്കുന്നതെന്ന് അറിയാമോ . കൃത്യമായ വ്യായാമവും , മികച്ച ജീവിതശൈലിയും അച്ചടക്കബോധമുള്ള ആഹാര സമ്പ്രദായവും വിശ്രമവും വെച്ചുപുലർത്തുന്നവരുടെ തലച്ചോറുകൾ ആരോഗ്യമുള്ളവയായിരിക്കും . പുറമെ നിന്നും കാണുമ്പോൾ ആരോഗ്യം തോന്നിക്കുന്ന ഒരാളുടെ മസ്തിഷ്ക്കം ഒരു പക്ഷെ നല്ലതായിരിക്കണമെന്ന് നിർബന്ധമില്ല . കാരണം മസ്തിഷ്കം ഗുണമുള്ളതും ആരോഗ്യമുള്ളതുമാകണമെങ്കിൽ നമ്മൾ ജീവിത ശൈലിയിൽ കൃത്യമായി ശ്രദ്ധിക്കണം . ആഹാരം , ഉറക്കം , സമ്മർദ്ദം തുടങ്ങിയ കാര്യങ്ങൾ വളരെ ഏറെ ശ്രദ്ധിക്കണം . നമ്മുടെ നാടി ഞരമ്പുകൾക്ക് ക്ഷതം സംഭവിക്കുകയോ , ഏതെങ്കിലും തരത്തിലുള്ള ബുദ്ധിമുട്ടുകൾ നേരിടേണ്ടി വരികയോ ചെയ്താൽ അവയെല്ലാം നമ്മുടെ മസ്തിഷ്ക്കത്തെ കൂടി ബാധിക്കും .
ഉറക്കമില്ലായ്മ , അമിതമായ മാനസിക സമ്മർദ്ദം , വിശ്രമമില്ലാത്ത തിരക്കിട്ട ജീവിതം എന്നിവ യഥാർത്ഥത്തിൽ നമ്മുടെ മസ്തിഷ്ക്കത്തെ കൂടുതൽ അപകടത്തിലാക്കുകയെ ഉള്ളു . മനുഷ്യ ശരീരത്തിലെ ഏതൊരു അവയവവും മസ്തിഷ്കവുമായി ബന്ധപ്പെട്ട് കിടക്കുന്നവയാണ് . ഏതെങ്കിലും ഒരു അവയവത്തിനു തകരാർ സംഭവിച്ചാൽ അത് തലച്ചോറിനെയും ബാധിക്കും . ഇതൊരുപക്ഷേ മാനസികാരോഗ്യ വൈകല്യങ്ങൾക്ക് കൂടി കാരണമായേക്കാം. നമ്മൾ ജീവിതത്തിൽ ഏറ്റവും അധികം നീതി പുലർത്തേണ്ടത് നമ്മുടെ ശരീരത്തിനോട് തന്നെയാണ് . ഒരുപക്ഷെ ആരും ഇത് ശ്രദ്ധിക്കുന്നില്ല എന്നതാണ് മറ്റൊരു വസ്തുത . കൃത്യമായ വ്യായാമവും , ആഹാരവും , ഉറക്കവും , വിശ്രമവും നൽകുകയാണെങ്കിൽ നമ്മുടെ തലച്ചോറുകൾ വളരെ ആരോഗ്യമുള്ളവയാകുമെന്നു പഠനങ്ങൾ പറയുന്നു .
ആരോഗ്യമുള്ള ഒരാളുടെ മസ്തിഷ്കം മികച്ചതാണെന്ന് തിരിച്ചറിയുന്നത് സ്വന്തം കഴിവുകൾ തിരിച്ചറിയുകയും , മാനസിക സംഘർഷങ്ങളെ ശാന്തമായി കൈകാര്യം ചെയ്യാൻ കഴിയുകയും ചെയ്യുമ്പോഴാണെന്ന് ലോകാരോഗ്യ സംഘടനാ പറയുന്നു . നമ്മുടെ ജീവിതത്തിൽ അച്ചടക്കമുള്ള ജീവിത ശൈലികൾ പിന്തുടരാൻ ശ്രദ്ധിക്കുക . പുകവലി , മദ്യപാനം , ലഹരി ഉൽപ്പനങ്ങൾ , കൃത്രിമ പദാർത്ഥങ്ങൾ ചേർത്തുണ്ടാക്കിയ ഹോട്ടൽ ഭക്ഷണങ്ങൾ എന്നിവ പൂർണ്ണമായും ഒഴിവാക്കുക . ദിവസവും കുറഞ്ഞത് 30 മിനിറ്റെങ്കിലും വ്യായാമം ചെയ്യുക , കൃത്യമായി ഉറങ്ങുക , ജോലി സ്ഥലത്ത് മാനസിക സമ്മർദ്ദം ഒഴിവാക്കി മനസ്സിനെ ശാന്തമാക്കാനായി അൽപ്പനേരം വിശ്രമിക്കുക . ആവശ്യത്തിന് വെള്ളം കുടിക്കുക , പാന്റമിക് സമയങ്ങളിൽ കൂടുതൽ ശ്രദ്ധചെലുത്തുക തുടങ്ങിയ കാര്യങ്ങൾ നിരന്തരം ചെയ്തു തുടങ്ങിയാൽ തീർച്ചയായും നമുക്ക് മികച്ച ആരോഗ്യവും അതിലൂടെ ആരോഗ്യമുള്ള മസ്തിഷ്കവും ഉണ്ടാകും എന്ന് പഠനങ്ങൾ പറയുന്നു .
