മുംബൈ: മഹാരാഷ്ട്രയിൽ കമ്യൂണിസ്റ്റ് ഭീകരർക്ക് സഹായം നൽകുന്നവർ അറസ്റ്റിൽ. ഗഡ്ചിരോളിയിലായിരുന്നു സംഭവം. ഡോക്ടർ ഉൾപ്പെടെ മൂന്ന് പേരെയാണ് കമ്യൂണിസ്റ്റ് ഭീകരരുമായി ബന്ധമുള്ളതിനെ തുടർന്ന് പോലീസ് അറസ്റ്റ് ചെയ്തത്
കമൽപൂരിൽ നിന്നുമാണ് മൂന്ന് പേരും അറസ്റ്റിലായത്. കമ്യൂണിസ്റ്റ് ഭീകര സാന്നിദ്ധ്യമുള്ളതിനാൽ പ്രദേശത്ത് പട്രോളിംഗ് നടത്തിവരികയായിരുന്നു പോലീസ്. ഇതിനിടെയാണ് കമ്യൂണിസ്റ്റ് ഭീകര അനുകൂല പോസ്റ്ററുകൾ ഒട്ടിക്കുകയായിരുന്ന ഡോക്ടറെയും മറ്റ് രണ്ട് പേരെയും പോലീസ് കണ്ടത്. തുടർന്ന് നടത്തിയ ചോദ്യം ചെയ്യലിൽ മൂന്ന് പേരും കുറ്റം സമ്മതിക്കുകയായിരുന്നു.
സർക്കാരിനെതിരെ പ്രതിഷേധിക്കാൻ ആളുകളോട് ആഹ്വാനം ചെയ്തുകൊണ്ടുള്ളതായിരുന്നു പോസ്റ്ററുകൾ. ഇതിന് പുറമേ ഓഗസ്റ്റ് മൂന്നുവരെ രക്തസാക്ഷി വാരമായി ആചരിക്കാൻ ആഹ്വാനം ചെയ്തുള്ള പോസ്റ്ററുകളും ഉണ്ടായിരുന്നു. സംഭവത്തിൽ പോലീസ് അന്വേഷണം ആരംഭിച്ചിട്ടുണ്ട്.
