കൊച്ചി: പ്രായപൂർത്തിയാകാത്ത പെൺകുട്ടിയോട് കഞ്ചാവടിയെക്കുറിച്ച് സംസാരിച്ച വ്ലോഗർ എക്സൈസിന്റെ വലയിൽ കുടുങ്ങിയത് ആകസ്മികമായി. പെൺകുട്ടിയുടെ മോഷണം പോയ ഫോണിൽ നിന്ന് പഴയ ലൈവ് വീഡിയോ ചോർന്നതോടെയാണ് വ്ലോഗർ കുടുങ്ങിയത്. വ്ലോഗറും പെൺകുട്ടിയും തമ്മിൽ കഞ്ചാവ് ഉപയോഗത്തെപ്പറ്റി സംസാരിക്കുന്ന വീഡിയോ സമൂഹമാദ്ധ്യമങ്ങളിൽ പ്രചരിച്ചിരുന്നു. തുടർന്നാണ് എക്സൈസ് ഉദ്യോഗസ്ഥർ ഇയാളെ ഫോർട്ട്കൊച്ചിയിലെ വീട്ടിലെത്തി പിടികൂടിയത്.
ട്രെയിൻ യാത്രയ്ക്കിടെയാണ് പെൺകുട്ടിയുടെ ഫോൺ മോഷണം പോയത്. അടുത്ത ദിവസം രാവിലെ മുതൽ ദൃശ്യങ്ങൾ സമൂഹമാദ്ധ്യമങ്ങളിൽ പ്രചരിക്കാൻ ആരംഭിച്ചു. ഇതുമായി ബന്ധപ്പെട്ടുള്ള രേഖാമൂലമുള്ള പരാതിയും കാട്ടൂർ പോലീസിന് ലഭിച്ചു.
മട്ടാഞ്ചേരി പുത്തൻ പുരയ്ക്കൽ ഫ്രാൻസിസ് നെവിൻ അഗസ്റ്റിനെ (34) വീട്ടിലെത്തിയാണ് എക്സൈസ് സംഘം പൊക്കിയത്. ഇയാളിൽ നിന്ന് കഞ്ചാവും പിടിച്ചെടുത്തു. സോഷ്യൽ മീഡിയ ലൈവിലൂടെ പ്രായപൂർത്തിയാകാത്ത പെൺകുട്ടിയോടാണ് ഇയാൾ കഞ്ചാവിനെപ്പറ്റി സംസാരിച്ചത്. തുടർന്ന് കുട്ടിയെ കഞ്ചാവ് വലിക്കാൻ പ്രേരിപ്പിക്കുകയും ഒരുമിച്ചിരുന്ന് കഞ്ചാവ് വലിക്കാൻ കുട്ടിയെ ക്ഷണിക്കുകയും ചെയ്തു.
പെൺകുട്ടിയുടെ ഫോണിൽ നിന്നാണ് വീഡിയോ ദൃശ്യങ്ങൾ ചോർന്നതെന്ന് അന്വേഷണത്തിൽ വ്യക്തമായിട്ടുണ്ട്. സൈബർ സെല്ലിന്റെ സഹായത്തോടെയാണ് കേസ് അന്വേഷിക്കുന്നത്.
Comments