ഹരിയാനയിലെ പാനിപത്തിൽ സ്ഥാപിച്ച രണ്ടാം തലമുറ എഥനോൾ പ്ലാന്റ് പ്രധാനമന്ത്രി നരേന്ദ്രമോദി രാജ്യത്തിന് സമർപ്പിച്ചു. വീഡിയോ കോൺഫ്രൻസ് വഴിയാണ് പ്രധാനമന്ത്രി ഉദ്ഘാടനം നിർവഹിച്ചത്. രാജ്യത്തെ ജൈവ ഇന്ധനങ്ങളുടെ ഉത്പാദനം വർധിപ്പിക്കാനും ഹരിയാനയിലെയും ഡൽഹിയിലെയും പരിസ്ഥിതി മലിനീകരണം നിയന്ത്രിക്കാനും പ്ലാന്റ് സഹായകരമാകുമെന്ന് പ്രധാനമന്ത്രി പറഞ്ഞു. ജൈവ ഇന്ധന പ്ലാന്റുകളുടെ നിർമ്മാണം രാജ്യത്ത് തൊഴിലുകൾ സൃഷ്ടിക്കുകയും പുതിയ അവസരങ്ങൾ ഒരുക്കുകയും ചെയ്യും. ഇതിനുപുറമെ രാജ്യം ഇപ്പോൾ നേരിടുന്ന പ്രധാന വെല്ലുവിളികളിലൊന്നായ പരിസ്ഥിതി മലിനീകരണത്തെ ഫലപ്രദമായി ചെറുക്കാനും ജൈവ ഇന്ധനങ്ങൾക്ക് സാധിക്കും.
ജൈവ ഇന്ധന പ്ലാന്റുകൾ സ്ഥാപിക്കുന്നതിലൂടെ പുതിയ അവസരങ്ങൾ സൃഷ്ടിക്കുക മാത്രമല്ല എല്ലാ ഗ്രാമീണർക്കും കർഷകർക്കും പ്രയോജനം ലഭിക്കും. ഇത് രാജ്യത്തെ മലിനീകരണ വെല്ലുവിളികൾ കുറയ്‌ക്കുമെന്നും പ്രധാനമന്ത്രി വ്യക്തമാക്കി. പ്രകൃതിയെ വിലമതിക്കുന്ന നമ്മുടെ രാജ്യത്ത് പരിസ്ഥിതി സംരക്ഷിക്കുന്നതിന് ജൈവ ഇന്ധനം പ്രധാനമാണ്. ജൈവ ഇന്ധനം പ്രകൃതി സൗഹൃദവും നമ്മുടെ ഗ്രഹത്തെ സംരക്ഷിക്കുന്നതുമാണ്. രാജ്യത്ത് ഉജ്വല പദ്ധതി വഴി നിരാലംബരായ സ്ത്രീകൾക്ക് 9 കോടി പാചകവാതകം എത്തിക്കാൻ കഴിഞ്ഞു. ഉജ്ജ്വല പദ്ധതിയിലൂടെ മാത്രം 9 കോടിയിലധികം ദരിദ്രരായ സ്ത്രീകൾക്ക് ഗ്യാസ് കണക്ഷൻ നൽകിയതിൽ സന്തോഷമുണ്ടെന്ന് പ്രധാനമന്ത്രി പറഞ്ഞു.
രാജ്യം മുഴുവൻ എൽപിജി കണകക്ഷൻ നൽകാൻ കഴിഞ്ഞിട്ടുണ്ട്. എൽപിജി കണക്ഷൻ 14 കോടിയിൽ നിന്ന് 31 കോടിയായി വർധിച്ചു. സ്വയം കേന്ദ്രീകൃത രാഷ്‌ട്രീയമുള്ള ആർക്കും സൗജന്യ ഗ്യാസോലിനും ഇന്ധനവും വാഗ്ദാനം ചെയ്യാൻ കഴിയും. എന്നാൽ അത്തരം നടപടികൾ നമ്മുടെ കുട്ടികളുടെ അവകാശങ്ങൾ നിഷേധിക്കുമെന്നും രാഷ്‌ട്രത്തെ സ്വയംപര്യാപ്തതയിൽ നിന്ന് തടയുമെന്നും അദ്ദേഹം പറഞ്ഞു. രാജ്യത്തെ നികുതിദായകരുടെ മേലുള്ള ഭാരം അതിന്റെ ഫലമായി വർദ്ധിക്കും.
‘സ്വയം കേന്ദ്രീകൃത രാഷ്‌ട്രീയമാണെങ്കിൽ ആർക്കും പെട്രോളും ഡീസലും സൗജന്യമായി നൽകാമെന്ന് പ്രഖ്യാപിക്കാം. ഇത്തരം നടപടികൾ നമ്മുടെ കുട്ടികളിൽ നിന്ന് അവകാശങ്ങൾ കവർന്നെടുക്കുകയും രാജ്യം സ്വാശ്രയമാകുന്നത് തടയുകയും ചെയ്യും. ഇത് രാജ്യത്തെ നികുതിദായകരുടെ മേലുള്ള ഭാരം വർദ്ധിപ്പിക്കും. ‘ പ്രധാനമന്ത്രി മോദി പറഞ്ഞു.
