ആസാദി കാ അമൃത് മഹോത്സവായി ആഘോഷിക്കുന്ന രാജ്യത്തിന്റെ 76-ാം സ്വാതന്ത്ര്യ ദിനത്തിൽ ആശംസകളുമായി ഇന്ത്യൻ ക്രിക്കറ്റ് താരങ്ങൾ. ശിഖർ ധവാൻ, മിതാലി രാജ്, സച്ചിൻ ടെണ്ടുൽക്കർ, വിരാട് കോഹ്ലി എന്നിവരുൾപ്പെടെയുള്ള മുൻനിര ക്രിക്കറ്റ് താരങ്ങളാണ് സമൂഹ മാദ്ധ്യമത്തിലൂടെ ആശംസകൾ അറിയിച്ചിരിക്കുന്നത്.
”ദേശീയ പതാക നമ്മുടെ അഭിമാനമാണ്. ഉയരത്തിൽ പറക്കുന്ന ത്രിവർണ്ണ പതാക കാണുന്നത് ഒരോ ഇന്ത്യക്കാരന്റെയും ഹൃദയത്തിൽ സന്തോഷം നിറയ്ക്കുക തന്നെചെയ്യും’ വസതിയിൽ പതാക ഉർത്തി കൊണ്ട് മുൻ ഇന്ത്യൻ ക്യാപ്റ്റൻ മിതാലി രാജ് പറഞ്ഞു. ” ക്രിക്കറ്റ് ഇതിഹാസ താരം സച്ചിൻ ടെണ്ടുൽക്കർ തന്റെ വീട്ടിൽ ത്രിവർണ്ണ പതാക ഉയർത്തുന്നതിന്റെ ദൃശ്യങ്ങൾ പങ്കുവച്ചു . ദൃശ്യത്തിനൊപ്പം ‘ദിൽ മേ ഭി തിരംഗ, ഘർ പർ ഭി തിരംഗ’ എന്ന കുറിപ്പും പങ്കു വച്ചു.”
വീഡിയോ സന്ദേശത്തിലൂടെയാണ് ശിഖർ ധവാൻ രാജ്യത്തിന് ആശംസകൾ നേർന്നത്. ഓഗസ്റ്റ് 18 ന് ആരംഭിക്കുന്ന സിംബാബ്വെയ്ക്കെതിരായ മൂന്ന് മത്സരങ്ങളുടെ ഏകദിന പരമ്പരയിൽ ശിഖർ ഇന്ത്യൻ ടീമിനെ നയിക്കും.”മഹത്തായ 75 വർഷങ്ങൾ. ഇത് അഭിമാന നിമിഷമാണ്. ഇന്ത്യക്കാരൻ ആകൂ എല്ലാവർക്കും ആശംസകൾ നേരുന്നു ” മുൻ ഇന്ത്യൻ ക്യാപ്റ്റൻ വിരാട് കോഹ്ലി കുറിച്ചു.
”നമ്മുടെ രാഷ്ട്രത്തിന്റെ മഹത്വം എന്നും നിലനിൽക്കട്ടെ! സ്വാതന്ത്ര്യ ദിനത്തിൽ എല്ലാവർക്കും സ്നേഹവും സമാധാനവും സമൃദ്ധിയും നേരുന്നു. ഒരു ഇന്ത്യക്കാരനായതിൽ അഭിമാനിക്കുന്നു. ജയ് ഹിന്ദ് ‘ മുൻ ഇന്ത്യൻ ക്രിക്കറ്റ് താരം വിവിഎസ് ലക്ഷ്മൺ ട്വീറ്റ് ചെയ്തു.
”തിരംഗയുടെയും ഇന്ത്യൻ ജേഴ്സിയുടെയും ശക്തി എനിക്കറിയാം. അതിനാലാണ് സ്വാതന്ത്ര്യ ദിനത്തിന്റെ പ്രാധാന്യത്തിൽ ഞാൻ വിശ്വസിക്കുന്നത്. ഹർ ഘർ മേ തിരംഗ, ഹർ ദിൽ മേ തിരംഗ. എല്ലാവർക്കും സ്വാതന്ത്ര്യ ദിനാശംസകൾ” മുഹമ്മദ് കൈഫ് ട്വീറ്റ് ചെയ്തു.
”ഇന്ത്യയിലെ എല്ലാ കുടുംബാംഗങ്ങൾക്കും സുഹൃത്തുക്കൾക്കും സ്വാതന്ത്ര്യദിനാശംസകൾ നേരുന്നു.”സ്വാതന്ത്ര്യ ആഘോഷങ്ങളിൽ പങ്കുചേർന്ന് കൊണ്ട് ഓസ്ട്രേലിയയുടെ ഡേവിഡ് വാർണർ സമൂഹ മാദ്ധ്യമത്തിൽ കുറിച്ചു.
