ആരാധകർ ഏറെ കാത്തിരിക്കുന്ന ചിത്രമാണ് ‘ബ്രഹ്മാസ്ത്ര പാർട്ട് വൺ : ശിവ’ . ഈ ചിത്രത്തിലെ ഒരു ഗാനത്തിന്റെ ടീസർ പുറത്ത് വിട്ടിരിക്കുകയാണ് അണിയറ പ്രവർത്തകർ.’ഡാൻസ് കാ ഭൂത്’ എന്ന് തുടങ്ങുന്ന ഗാനത്തിന്റെ ടീസറാണ് പുറത്ത് വന്നിരിക്കുന്നത്. പാട്ടും ഡാൻസും ഒക്കെയായി ഉത്സവ പ്രതീതിയിൽ ചിത്രീകരിച്ചിരിക്കുന്ന ഈ ഗാനത്തിന്റെ ടീസർ ഇതിനോടകം ആരാധകർ ഏറ്റെടുത്ത് കഴിഞ്ഞു.
രൺബീർ കപൂർ, അമിതാഭ് ബച്ചൻ, നാഗാർജുന ,ആലിയ ഭട്ട് എന്നിവർ കേന്ദ്ര കഥാപാത്രങ്ങളാകുന്ന ചിത്രം അയൻ മുഖർജിയാണ് ഒരുക്കുന്നത്. മൂന്ന് ഭാഗങ്ങളായി ആണ് ചിത്രം പ്രേക്ഷകർക്ക് മുന്നിൽ എത്തുന്നത്.നിലവിൽ ചിത്രത്തിനെ പറ്റി മികച്ച പ്രതികരണങ്ങളാണ് ഉയരുന്നത്.
സംവിധായകൻ എസ്.എസ്.രാജമൗലിയാണ് ചിത്രത്തിന്റെ ദക്ഷിണേന്ത്യൻ വിതരണാവകാശം സ്വന്തമാക്കിയിരിക്കുന്നത് . തമിഴ്, തെലുങ്ക്, കന്നഡ, മലയാളം എന്നീ ഭാഷകളിൽ ചിത്രം തിയേറ്ററുകളിൽ എത്തും.
‘ബ്രഹ്മാസ്ത്ര’യുടെ തെലുങ്ക് ട്രെയിലറിന് ശബ്ദം നൽകിയത് ചിരഞ്ജീവിയാണ്. ‘ഇഷ’ എന്ന കഥാപാത്രമായി ആലിയ ഭട്ട് ചിത്രത്തിൽ എത്തുന്നത്. രൺബീറിനൊപ്പം നായിക ആയിയാണ് ആലിയ ഭട്ട് എത്തുക.
വിവാഹശേഷം ഇരുവരും ഒന്നിച്ച് അഭിനയിച്ച ചിത്രം കൂടെയാണ് ഇത് .കരൺ ജോഹറിന്റെ ധർമ്മ പ്രൊഡക്ഷൻസ്, ഫോക്സ് സ്റ്റാർ സ്റ്റുഡിയോസ്, പ്രൈം ഫോക്കസ്, സ്റ്റാർലൈറ്റ് പിക്ചേഴ്സ് എന്നിവർ ചേർന്നാണ് ചിത്രം നിർമ്മിക്കുന്നത്. ചിത്രത്തിന്റെ ഛായാഗ്രാഹണം നിർവഹിക്കുന്നത് പങ്കജ് കുമാറാണ് .
