ന്യൂഡൽഹി: രാജ്യത്ത് അംഗീകൃത തൊഴിൽ മേഖലകളിൽ തൊഴിൽ ലഭിക്കുന്നവരുടെ എണ്ണത്തിൽ വൻവർദ്ധന. കേന്ദ്ര പ്രൊവിഡന്റ് ഫണ്ട് വകുപ്പിന്റെ കണക്കുപ്രകാരം ജൂൺ മാസത്തിൽ 18.36 ലക്ഷം പേർ അംഗങ്ങളായെന്നാണ് അധികൃതർ അറിയിക്കുന്നത്. ഇത് മെയ് മാസത്തേക്കാൾ 9.21 ശതമാനം കൂടുതലാണെന്നാണ് പിഎഫ് അധികൃതർ അറിയിച്ചു.
2022 വർഷത്തിലെ തൊഴിൽ നേടുന്നവരുടെ എണ്ണത്തിൽ മുൻ വർഷങ്ങളെ അപേക്ഷിച്ച് വലിയ തോതിലുള്ള വർദ്ധനയാണുണ്ടായത്. 2021നെ അപേക്ഷിച്ച് ഇതേ കാലയളവിൽ 5.53 ലക്ഷം പേർക്ക് തൊഴിൽ ലഭിച്ചു. 18.36 ലക്ഷം പേർ ഈ വർഷം ജൂണിൽ ചേർന്നവരിൽ 10.54 പേരും ആദ്യമായിട്ടാണ് ഇഫിഎഫിൽ അംഗമാകുന്നതെന്നതും പ്രത്യേകതയാണ്.
പുതിയവരുടെ എണ്ണത്തിലെ ഈ വർദ്ധന സർവ്വകാല റെക്കോഡാണെന്നും പിഎഫ് അധികൃ തർ അറിയിച്ചു. പ്രായം വെച്ചുള്ള കണക്കെടുപ്പിൽ 22-25 വയസ്സിനിടയിലുള്ളവരാണ് ഏറ്റവു മധികം പുതിയ ജോലിയിൽ പ്രവേശിപ്പിച്ചിരിക്കുന്നത്. ജൂണിൽ ജോലിയിൽ പ്രവേശിച്ചവരിൽ 4.72 ലക്ഷം പേരും ഇതേ പ്രായത്തിലുള്ളവരാണ്.
ഈ വർഷം ബാക്കി 7.82 ലക്ഷം പേർ ജോലി മാറിയെങ്കിലും പുതിയ സ്ഥാപനങ്ങളിലൂടെ പിഎഫ് സുരക്ഷയിലേക്ക് വീണ്ടും ചേർന്നതിൽ ഏറെ സന്തോഷമുണ്ടെന്നും പിഎഫ് അധികൃതർ അറിയിച്ചു.
