ന്യൂഡൽഹി: ഡൽഹിയിൽ നിന്നും കൊൽക്കത്തയിലേക്ക് പോവുകയായിരുന്ന ഇൻഡിഗോ വിമാനത്തിൽ പുക കണ്ടെത്തിയതിനെ തുടർന്ന് പൈലറ്റുമാർ കൊൽക്കത്ത വിമാനത്താവളത്തിൽ ലാൻഡ് ചെയ്തു. ഇൻഡിഗോ 6E-2513 എന്ന വിമാനമാനത്തിലാണ് സംഭവം നടന്നത്. എയർ ട്രാഫിക് കൺട്രോൾ അതോറിറ്റിയുടെ നിർദ്ദേശമനുസരിച്ച് പൈലറ്റുമാർ സുരക്ഷിതമായി വിമാനം ലാൻഡ് ചെയ്യിച്ചു.
എയർപോർട്ടിൽ ഇറക്കിയ വിമാനത്തിന് വിദഗ്ധ പരിശോധനക്ക് ശേഷം യാതൊരു തകരാറും സംഭവിച്ചിട്ടില്ലെന്നും മുന്നറിയിപ്പ് തെറ്റായിരുന്നു എന്നും ഡിജിസിഎ ഉദ്യോഗസ്ഥർ പ്രസ്താവനയിൽ പറഞ്ഞു. വിമാനത്തിന്റെ കാർഗോ ഭാഗത്ത് പുക ഉയരുന്നത് ശ്രദ്ധയിൽ പെട്ട പൈലറ്റുമാർ അടിയന്തിര സാഹചര്യത്തിൽ പുറപ്പെടുവിക്കേണ്ട മെയ് ഡേ മുന്നറിയിപ്പ് നല്കുകയിരുന്നു. കപ്പലുകളിലും , വിമാനങ്ങളിലും അപകടം സംഭവിക്കാൻ സാധ്യത ഉണ്ടെന്ന് ചൂണ്ടികാണിച്ച് നൽകുന്ന പ്രത്യേക മുന്നറിയിപ്പ് സന്ദേശമാണ് മെയ് ഡേ. വിമാനത്തിലെ മുഴുവൻ യാത്രക്കാരും സുരക്ഷിതരാണെന്ന് ഇൻഡിഗോ അറിയിച്ചു.
Comments