തിരുവനന്തപുരം: കോമൺവെൽത്ത് ഗെയിംസിൽ വിജയികളായ മലയാളികൾക്ക് പാരിതോഷികം നൽകാൻ തീരുമാനം. ഇന്ന് നടന്ന മന്ത്രിസഭായോഗത്തിലാണ് തീരുമാനം. കോമൺവെൽത്ത് ഗെയിംസിൽ സ്വർണം നേടിയവർക്ക് 20 ലക്ഷം രൂപയും വെള്ളി മെഡൽ നേടിയവർക്ക് 10 ലക്ഷം രൂപയും പാരിതോഷികം നൽകാനാണ് തീരുമാനം.
സ്വർണ്ണമെഡൽ നേടിയ എൽദോസ് പോളിന് 20 ലക്ഷം രൂപയും വെള്ളി മെഡൽ നേടിയ അബ്ദുള്ള അബുബക്കർ, എം ശ്രീശങ്കർ, പി ആർ ശ്രീജേഷ്, ട്രീസ ജോളി എന്നിവർക്ക് പത്ത് ലക്ഷം രൂപയുമാണ് പാരിതോഷികം.
എൽദോസ് പോൾ , അബ്ദുള അബൂബക്കർ , എം ശ്രീങ്കർ, ട്രീസ ജോളി എന്നിവർക്ക് സ്‌പോർട്ട്‌സ് ക്വാട്ട നിയമനത്തിന് മറ്റിവെച്ച 50 തസ്തികകളിൽ നിന്ന് നാല് ഒഴിവുകൾ നീക്കി വെച്ച് നിയമനം നൽകാനും തീരുമാനിച്ചു.
ചെസ്, ഒളിമ്പ്യാഡ് ജേതാക്കൾക്കും സമ്മാനം പ്രഖ്യാപിച്ചു. നിഹാൽ സരിന് 10 ലക്ഷം രൂപയും എസ് എൽ നാരായണന് അഞ്ചു ലക്ഷം രൂപയുമാണ് പാരിതോഷികം.
ചെസ് ഒളിമ്പ്യാഡിൽ വ്യക്തിഗത ഇനത്തിൽ നിഹാൽ സരിൻ സ്വർണം നേടിയിരുന്നു. സ്‌പെയ്‌നിൽ നടന്ന 23-ാമത് സാന്റ് ഇന്റർനാഷണൽ ചെസ് ടൂർണമെന്റിൽ എസ്എൽ നാരായണനാണ് കിരീടം നേടിയത്.
