സ്റ്റാലിൻ-പിണറായി കൂടിക്കാഴ്ച ഇന്ന്; മുല്ലപ്പെരിയാർ ഉൾപ്പെടെയുള്ള വിഷയങ്ങൾ ചർച്ചയാകും

തിരുവനന്തപുരം: തമിഴ്‌നാട് മുഖ്യമന്ത്രി എം.കെ.സ്റ്റാലിനും മുഖ്യമന്ത്രി പിണറായി വിജയനും ഇന്ന് കൂടിക്കാഴ്ച നടത്തും. വൈകിട്ട് കോവളത്ത് വച്ചാണ് ഇരു നേതാക്കളുടേയും കൂടിക്കാഴ്ച. അന്തർ സംസ്ഥാന വിഷയങ്ങൾ, ജലകരാറുകൾ തുടങ്ങിയ വിഷയങ്ങൾ ചർച്ചയാകുമെന്നാണ് വിവരം.

മുല്ലപ്പെരിയാർ, ശിരുവാണി ഡാമുകൾ സംബന്ധിച്ചുള്ള ആശങ്കകളും ചർച്ച ചെയ്യും. മുഖ്യമന്ത്രിമാർക്ക് പുറമെ ചീഫ് സെക്രട്ടറി ഉൾപ്പെടെ ഉള്ള ഉദ്യോഗസ്ഥരും യോഗത്തിൽ പങ്കെടുക്കുന്നുണ്ട്. തെക്കൻ സംസ്ഥാനങ്ങളുടെ കൗൺസിലിൽ പങ്കെടുക്കുന്നതിന് വേണ്ടിയാണ് എം.കെ.സ്റ്റാലിൻ തിരുവനന്തപുരത്ത് എത്തിയത്.