മലയാളികൾക്കും അന്യഭാഷ സിനിമാ ആരാധകർക്കും ഒരു പോലെ ഇഷ്ടപ്പെട്ട താരമാണ് നയൻതാര . മനസിനക്കരെ എന്ന ചിത്രത്തിലൂടെ സിനിമയിലേക്ക് എത്തിയ താരം ഇന്ന് സൂപ്പർ സ്റ്റാറാണ്. താരത്തിന്റേതായി പുറത്ത് വരുന്ന വാർത്തകൾക്ക് വളരെ മികച്ച സ്വീകാര്യതയാണ് ലഭിക്കുന്നതും. ഇപ്പോഴിതാ ആരാധകരുടെ കാത്തിരിപ്പിന് വിരാമം ഇട്ടുകൊണ്ട് നയൻതാരയുടെയും സംവിധായകൻ വിഘ്നേഷ്
ശിവന്റെയും വിവാഹ ഡോക്യുമെന്ററി പ്രെമോ പുറത്ത് വന്നിരിക്കുകയാണ്. നെറ്റ്ഫ്ളിക്സാണ് വീഡിയോ പങ്കുവച്ചിരിക്കുന്നത്. താരത്തിന്റെ ജീവിത കഥ പറയുന്ന ഡോക്യുമെന്ററിക്ക് നയൻതാര: ബിയോണ്ട് ദ് ഫെയറി ടെയ്ൽ എന്നാണ് പേര് നൽകിയിരിക്കുന്നത്.
ഷൂട്ടിംഗ് ലോക്കേഷൻ സൂചിപ്പിച്ചുകൊണ്ട് ആരംഭിക്കുന്ന പ്രെമോയിൽ പ്രണയവും വിവാഹവും എല്ലാം തന്നെ കോർത്തിണക്കിയിരിക്കുന്നു. അവയെ പറ്റിയുള്ള താരത്തിന്റെ വാക്കുകളും ആരാധകരെ ആവേശത്തിലാക്കിയിരിക്കുകയാണ്.മഹാബലിപുരത്തെ ഷെറാട്ടൺ ഗ്രാൻഡ് റിസോർട്ടിൽ വച്ച് ജൂൺ 9 നായിരുന്നു നയൻതാരയുടെയും വിഘ്നേഷിന്റെയും വിവാഹം . വളരെ ആർഭാടമായി നടന്ന വിഹാഹത്തിന്റെ ദൃശ്യങ്ങൾ ചിത്രീകരിച്ചത് ഗൗതം മേനോനാണ് . ഗൗതം തന്നെയാണ് ഡോക്യുമെന്ററി സംവിധാനം ചെയ്തിരിക്കുന്നതും. വിവാഹ വീഡിയോയും ഡോക്യുമെന്ററിയിൽ കൂട്ടിയിണക്കിയിട്ടുണ്ട്.
ഇതിനോടകം നിരവധി പേരാണ് പ്രെമോ കണ്ടിരിക്കുന്നത്. നിലവിൽ അമ്മയുടെ ജന്മദിനം ആഘോഷിക്കുന്ന തിരക്കിലാണ് നയൻതാരയും വിഘ്നേശും. ഇതിനായി ഇരുവരും കുടുംബത്തോടെ ദുബായിലേക്ക് പോയിരിക്കുകയാണ് . അവിടെ നിന്നുള്ള ഫോട്ടോകളും ആഘോഷത്തിന്റെ വീഡിയോകളും എല്ലാം ഇരുവരും ഇൻസ്റ്റഗ്രാമിൽ പങ്കുവച്ചിരുന്നു.
Comments