തിരുവനന്തപുരം : മാർക്സിസം വളർന്നുകൊണ്ടിരിക്കുന്ന ശാസ്ത്രമാണെന്ന് സിപിഎം സംസ്ഥാന സെക്രട്ടറി എംവി ഗോവിന്ദൻ. ആർഎസ്എസിന് ഫാസിസ്റ്റ് നിലപാടാണ്. ഗവർണർ കേരളത്തിന് ആവശ്യമില്ല എന്നാണ് മാർക്സിസത്തിന്റെ നിലപാട് എന്നും പാർട്ടി സെക്രട്ടറി പറഞ്ഞു.
ആർഎസ്എസിന്റെ ശാഖയിൽ പോകുന്ന കുട്ടികളെ പോലെ ഗവർണർ പെരുമാറരുത്. എത്രയോ വർഷങ്ങൾക്ക് മുൻപ് താൻ ആർഎസ്എസ് ആയിരുന്നുവെന്നാണ് ആരിഫ് മുഹമ്മദ് ഖാൻ പറഞ്ഞത്. ഇന്ത്യയ്ക്കോ കേരളത്തിനോ ഒരു ഗവർണറുടെ ആവശ്യമില്ലെന്നും ഗോവിന്ദൻ തുറന്നടിച്ചു.
ബിജെപി ആർഎസ്എസ് ചട്ടുകമായി ഗവർണർ മാറുന്നുവെന്നാണ് സിപിഎം സെക്രട്ടറിയുടെ വാദം. അതിനാൽ ഗവർണർ വേണ്ട എന്ന് തന്നെയാണ് സിപിഎം നിലപാടെന്നും എം വി ഗോവിന്ദൻ പ്രതികരിച്ചു.
